SAMUEL 1 3:15 - Alkitab Singog In Mongondow Masa In Tanaa

¹⁵ Nopaḷut mako kon tua ki Samuel nosiugdon bui, bo naonda in doḷo-doḷom nobangon in sia bo nomukat kon ḷoḻingkop mita in Baḷoi i Tuhan. Moondok in sia in mopotaau kon i Eli kon onu inta inontongnea tatua,

SAMUEL 1 3:15 ပူးပေါင်းရင်းမြစ်များ

TAWARIKH 1 15:23

Ki Berekhya bo ki Elkana takin i Obed-Edom bo ki Yehia in piniḻí nobaḻí moḷoḷukad kon Poti Dodandian i Tuhan. Imang mita moiduduimai naa: ki Sebanya, ki Yosapat, ki Netaneel, ki Amasai, ki Zakharia, ki Benaya bo ki Eleazer in piniḻí sin moposingog in torompet kon tayowon in Poti tatua.

MALEAKHI 1:10

Ki Tuhan Inta Totok in mokawasa in noguman, “Mopia-piabí kon ḻingkopan-Ku in ngara in Baḷoi-Ku, sin diábí in mangaḻenea in moiko monontuḷú kon tudu in mezbah-Ku. Doíbí in Akuoi kon i monimu, bo doíbí in Akuoi motarima kon sosumbamu.

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

SAMUEL 1 1:9

Kon singgai tobatú kon dodai in mosia nopaḷutdon nongaan kon Baḷoi i Tuhan kon Silo, ki Hana nobuatdon nongkon meja pongongaanan. Kon dodai intua ki Imang Eli inta kon Baḷoi doman i Tuhan, ḻimitú mako kon kaderanea kon diug in ḷoḻingkop. Takin kuyang in gina ki Hana nosambayang kon i Tuhan poḷat doman nongombaḷ mopoina-inak.

SAMUEL 1 3:10

Onda intua namangoidon in ki Tuhan, bo sinimindog kon tampat tatua poḷat nogoiní bui, “Samuel, Samuel!” Bo ki Samuel in notubag, “Pogumandon, Tuhan, indongoganbí in mogogundoi-Mu naa.”

SAMUEL 1 3:16

táe ki Eli in nogoiní kon inia, kainia, “Samuel, adíku.” Tubag i Samuel, “Ya, Amá.”