SAMUEL 1 3:14 - Alkitab Singog In Mongondow Masa In Tanaa

¹⁴ Tuamai in Akuoi mongibot soaḷ motoḷuadí i Eli, kon dosa monia inta totok in moḷoben tua diábí kopopatan in kuruban andeka sosumba onuka kinoouputbí in kobiagan monia.”

SAMUEL 1 3:14 ပူးပေါင်းရင်းမြစ်များ

MAZMUR 51:16

Posimparutdon in akuoi nongkon popatoi, o Allah mopoposaḷamatku, dá takin pia in gina potaauku in kooadil-Mu.

YESAYA 22:14

Ki Tuhan Inta Totok in moḷantud bo Inta Totok in mokawasa nokipogontong kon inakó bo noguman, “Totuu, aid monia inta moraat tua in diábí ampungan-Ku modapot in mosia matoi. Akuoi in ki Tuhan, ain nosingog.”

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

YEREMIA 7:16

Ki Tuhan in noguman, “Yeremia, dika sambayanganmu in intau mita tanaa. Dika mokituḷung andeka sambayanganmu in mosia, dika mondodak kon i-Nakó, sin Akuoi in doíbí mokidongog kon oigum tatua.

YEHEZKIEL 24:13

Ei Yerusalem, oaidmu mita inta mokotor noponajisdon kon awakmu. Sinungkuḷan-Kudon dinaritan in iko, táe diá in mangaḻenea, sin iko in umuranbí nonajis. Iko in diábí modarit bui modapot in poḷuaion-Ku in torú-Ku kon inimu.

IMAMAT 15:31

Ki Tuhan nopotabá kon i Musa moponorop kon bangusa Israel sinbá monarukira mongo kon dodai onda mosia monajis bo diá monajis, sinbá mosia diá moponajis kon Ḷoḷaigan i Tuhan inta kon yua-yuak in ḷoḷaigan monia. Aka mosia moponajis in Ḷoḷaigan tatua, yo matoi in mosia.

SAMUEL 1 2:25

Aka intau mogaid kon taḷá kon tumpaḷa intau, yo motaaupabí tuḷungan i Allah; táe aka intau momia kon dosa kon i Tuhan, yo ki ine in motaau motuḷung kon inia?” Táe doíbí in mosia mokidongogmai kon tonggina i Eli, amá monia, sin sinantúdon i Tuhan kon ḻimodon in monia.