SAMUEL 1 3:12 - Alkitab Singog In Mongondow Masa In Tanaa

¹² Kon singgai tatua mogaidon in Akuoi kon bayongan inta ain pinotaau-Ku kon motoḷuadí i Eli nongkon pinomangkoianmai nodapot in pangabisan.

SAMUEL 1 3:12 ပူးပေါင်းရင်းမြစ်များ

YEHEZKIEL 21:5

Dá kotaauandon in bayongan in intau kon Akuoi, ki Tuhan, in norabutdon kon kedang-Ku bo diábí motungkog bui.’

ZAKHARIA 1:6

Pinongin in nabi mogogundoi-Ku mita tatua, pinotaau-Ku in parenta mita bo tompoingat-Ku mita kon mogoguyangmu. Táe diá pinandungmai monia dá mosia in musti mobaba kon bungainea. Bo nomanasaḷ in mosia bo ináku monia kon Akuoi, ki Tuhan Inta Totok in mokawasa, nohukumdon kon i monia pinodoyon kon taḷá monia, bo noitombutung kon onu inta ain sinantú-Ku.”

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

LUKAS 21:33

Ḷangit bo butá in diábí mononoi, táe singog-Ku in mononoibí.”

YOSUA 23:15

Táe naonda in pinonompod-Nea kon dandi-Nea yo natua doman pogogaid-Nea kon onu inta pinogogondok-Nea kon i monimu.

HAKIM MITA 4:24

Koonggot-koonggot kodugang-kodugang domandon in roriga popoaid in intau Israel kon i Datu tatua nodapot in minatoidon in sia.

SAMUEL 1 4:11

Poti Dodandian i Allah inagow in musung in Israel, bo ki adí i Eli doyowa, ki Hopni bo ki Pinehas, minatoi.

SAMUEL 1 4:17

Intau inta nodia kon habar tatua notubag, “Israel noḷagui kon intau in Pilistin. Kita in sinaḷow totok. Nobayong in intau in minatoi, ki adí doman i amá inta doyowa, ki Hopni bo ki Pinehas. Bo Poti Dodandian i Allah inagow in musung!”

SAMUEL 1 4:21

Adí tatua sinangoiannea ki Ikabod, kainia, “Koangoian i Allah Inta Momulia nobuḻidon nongkon Israel.” – Inta imakusudnea tua in Poti Dodandian aindon inagow bo ki nunutonnea takin ki buḷoinea minatoi domandon. Tuamai sia noguman, “Koangoian i Allah Inta Momulia nobuḻidon nongkon Israel, sin Poti Dodandian i Allah inagowdon.”