SAMUEL 1 3:11 - Alkitab Singog In Mongondow Masa In Tanaa

¹¹ Bo nogumandon in ki Tuhan kon inia, “Mogaidon in Akuoi kon inta totok in motoyang kon intau in Israel, dá bayongan in intau inta mokodongog kon tua in motoboḻingodon.

SAMUEL 1 3:11 ပူးပေါင်းရင်းမြစ်များ

DATU MITA 2 21:12

Tuamai, Akuoi, ki Tuhan Allah inta sinumba in intau in Israel, mopoangoidon in bodito inta totok in moḷoben kon Yerusalem bo kon Yohuda dá bayongan in intau inta mokodongog kon tua in moitaḻikokogdon.

AYUB 41:9

Bayongan in intau inta mokoontong kon Lewiatan, in mobaḻíbí moḻemé bo moumpag togopuḷongon.

YESAYA 28:19

Moiko in umuran koantugan in bodito bo musti mobaba kon tua pomuḷoi in singgai, doḷo-doḷom, moutu in singgai bo doḷom. Moiko in mourotbí popisí in ondok aka komangaḻean monimu in koyow i Allah.

YESAYA 29:14

Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”

YEREMIA 19:3

Akuoi in musti moguman nanaa, “Ei datu mita in Yohuda bo intau in Yerusalem! Indongogai in singog poguman-Ku kon inimu, Akuoi ki Tuhan Inta Totok in mokawasa, Allah in Israel. Akuoi in mopoangoi in bodito moḷoben kon tampat tanaa dá intau inta mokodongog in moitaḻikokog.

HABAKUK 1:5

Onda intua ki Tuhan in noguman kon umat-Nea, “Taridiaika in bangusa mita kon diugmumai, dá moherangbí in moiko bo moitongau. Sin kon dodai in iko nobiag oyúonbí in aidan-Ku, inta diábí pirisayaan monimu aka tongá oumanon kon inimu.

LUKAS 21:26

Intau mita in moondok totok in moyogintayow in onu inta mobaḻí kon dunia naa, bo bayongan kawasa kon baḷangon motombauk.

OUMAN IN RASUL MITA 13:41

‘Tarukira totok kopira, ei moiko intau mita inta mosingkuḻe! Moherangbí in moiko, bodongka matoi! Sin kon masa in tanaa Akuoi in mogaid kon oaidan inta diábí pirisayaan monimu, umpakabí oyúon intau in mopomangaḻe kon inimu.’ ”

SAMUEL 1 3:10

Onda intua namangoidon in ki Tuhan, bo sinimindog kon tampat tatua poḷat nogoiní bui, “Samuel, Samuel!” Bo ki Samuel in notubag, “Pogumandon, Tuhan, indongoganbí in mogogundoi-Mu naa.”

SAMUEL 1 4:10

Onda intua noparangdon totok in intau in Pilistin bo poḷat nonaḷow kon intau in Israel. Intau in Israel noḷagui minayá in ḷoḷaigannea-ḷoḷaigannea. Totuu moḷoben in kinotaḷowan tatua: aindon 30.000 in tontara in Israel in minatoi.