SAMUEL 1 29:7 - Alkitab Singog In Mongondow Masa In Tanaa

⁷ Tuamai in pobuidon takin saḷamat, bo dikadon momia kon onuka inta mokopomuká kon torú monia.”

SAMUEL 1 29:7 ပူးပေါင်းရင်းမြစ်များ

PINOGIAPAN 22:34

Guman i Bileam kon malaekat i Tuhan, “Binaradosadon in akuoi. Diábí kinotaauanku kon ki Tuang sinimindog kon yuak in daḷan sin moḷamboi kon bayáanku. Táe naa, aka kon raian i Tuang bo diábí mopia aka akuoi mayá intua, dá mobuidon in akuoi.”

SAMUEL 1 1:17

Bo ki Eli in noguman, “Aka natua yo pobuidon takin saḷamat. Igumon mako ki Allah in Israel mokidongog kon onu in pinoigummu.”

SAMUEL 1 29:6

Bo inoinídon i Akhis in ki Daud bo noguman kon inia, “Akuoi naa in mopirisaya podoyon kon i Tuhan inta nobiag, kon iko nion in mosatiabí kon inakó. Mopiabí in ginaku aka iko motaau moyotakinku kon poparangan tanaa. Sin pinangkoipamai in iko namangoi kon inakó nodapot in tanaa mako, diábí kinokadapatanku in iko kon taḷámu. Táe datu mita ibanea in doí kon inimu.

SAMUEL 1 29:8

Ki Daud in notubag, “Taḷábí onu degá inta ain inaidan in bobantung naa, Tuang datu? Aka ná kain tosingogon i Tuang datu, ki Tuang datu in diábí kon dodai onda in nokouḻí kon taḷá in bobantung naa pinangkoi kon akuoi in nobantung kon i Tuang datu nodapot in tanaa, yo nongonu sin bobantung naa in diábí ogoi moparang monayow kon musung i Tuang datu?”