SAMUEL 1 29:6 - Alkitab Singog In Mongondow Masa In Tanaa

⁶ Bo inoinídon i Akhis in ki Daud bo noguman kon inia, “Akuoi naa in mopirisaya podoyon kon i Tuhan inta nobiag, kon iko nion in mosatiabí kon inakó. Mopiabí in ginaku aka iko motaau moyotakinku kon poparangan tanaa. Sin pinangkoipamai in iko namangoi kon inakó nodapot in tanaa mako, diábí kinokadapatanku in iko kon taḷámu. Táe datu mita ibanea in doí kon inimu.

SAMUEL 1 29:6 ပူးပေါင်းရင်းမြစ်များ

KINOBAḺIAN 16:6

Tubag i Abram, “Mopia, sia tua in bobantungmu bo kon bonubí in kawasamu in sia; dá aidaidon onu in koibogmu.” Dá pinomiadon ibo-ibog i Sarai in ki Hagar, dapot in noḷaguidon in sia.

SAMUEL 2 3:25

Eta degá diábí kinotaauan i Tuang Datu in ki Abner tua? Sia tua in tongábí mamangoi sin monguboḷ kon i Tuang Datu, bo monotaau kon naonda in kaadaan takin onu mita in tomayá i Tuang Datu.”

DATU MITA 2 19:27

Táe nodait-Kubí kinotaauan in iko nion. Kinotaauan-Kubí in onu inta pinomiamu bo kon onda in kobayáanmu.

MAZMUR 121:8

Sia in moḷukad kon inimu kon tungkuḷ in iko mamangoi bo mayá, tanaa mako modapot in mononoi.

YESAYA 37:28

Táe kinotaauan-Kubí komintan in iko. Kinotaauan-Ku onu in inaidanmu bo kon onda in bayáanmu. Kinotaauan-Ku kon iko in sinumorú totok kon i-Nakó,

YESAYA 65:16

Pomuḷoi in intau kon butá tatua inta mopoigum in barakat, in mopoigumbí sinbá barakatan i Allah inta mosatia. Pomuḷoi in intau inta moibog mongibot, in mongibotbí podoyon kon tangoi i Allah inta mosatia. Sin roriga inta koḻipod ain noinggamá bo iḻiongdon.”

YEREMIA 12:16

Aka mosia takin ḻimbatú in gina moibog motarima kon agama in umat-Ku bo moibog mongibot takin moguman, ‘Podoyon kon i Tuhan inta nobiag,’ – ná koḻipod in mosia notundú kon umat-Ku nongibot pinodoyon kon Baal – dá mosia in moidugangdon kon umat-Ku bo mobaḻí mooyúon.

PINOGIAPAN 27:17

intau inta motaau baḻíon itoi kon dodai in mosia moparang. Dikapa pomayá mako in umat-Mu naa naonda bo paanan in domba inta diá in gombala.”

MATIUS 5:16

Natua doman bayagmu musti monindar kon tayowon in intau, sinbá ontongon monia in oaidmu mita inta mopia bo modayow kon i Amámu inta kon soroga.”

ULANGAN 10:20

Horomatbí in ki Tuhan Allahmu bo poibadadon tongá kon i-Nia. Moiko in musti umuran mokoposatia kon i-Nia bo mongibot tongá podoyon kon tangoi-Nea.

YOSUA 22:30

Bayongan in inta pinoguman in intau mita nongkon suku i Ruben, i Gad bo suku i Manasye kon dotá in pomukaan tatua dinongog i Imang Pinehas bo in guhanga mita in ḻipú intau in Israel inta mopuḷú nongkon dotá in toyopan kon Ongkag in Yordan. Dá nopiadon in gina monia in nokodongog kon tua.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.

PETRUS 1 3:16

Táe koaḷusbí in pototubag takin horomat. Ginamu in musti totu-totuu motuḻid, sinbá aka poponapudan uboḷ in moiko lantaran nobiag notompia saḷaku dumodudui i Kristus, dá intau inta noponapud in uboḷ tatua kon inimu buibí mooyá tontaní.

SAMUEL 1 20:3

Ki Daud in notubag, “Kinotaauanbí totok i amámu kon iko in motabibí kon inakó. Dá notantú bidon kon diábí potaaunea kon inimu in soaḷ tatua sinbá diá moajar in ginamu. Naondaka doman, podoyon kon i Tuhan inta nobiag, totuubí kon kobiaganku naa in naonda bo natu kon ḷuntung in tungoi!”

SAMUEL 1 28:10

Bo ki Saul in nongibot, kainia, “Podoyon kon i Tuhan inta nobiag, modandi in akuoi kon iko in diábí hukumon popisí in mogaid kon soaḷ tanaa.”

SAMUEL 1 29:3

Tongguḷu totokan mita in tontara intau in Pilistin nokoontong kon i monia bodongka noḻibó, “Mongonu kon naa in intau mita in Ibrani tatua?” Ki Akhis in notubag, “Naa in ki Daud, inta koḻipod in nobaḻí pogawai i Datu Saul nongkon Israel. Sia in noḻin onggotdon in nogutun kon inakó. Pinangkoipa kon namangoi in sia kon inakó nodapot in singgai naa, diápabí kon dodai in onda in sia kinokadapatanku in nomia kon noitaḷá.”

SAMUEL 1 29:7

Tuamai in pobuidon takin saḷamat, bo dikadon momia kon onuka inta mokopomuká kon torú monia.”

SAMUEL 1 5:8

Tuamai in nogoiní in mosia kon datu in Pilistin taya ḻima sin moyosipun, bo noḻibó, “Onuon naton in Poti Dodandian i Allah in Israel tatua?” Tubag in datu mita tatua, “Pampingdon kon kotá in Gat.” Dá, poti tatua pinampingdon kon kotá in Gat, kotá tobatú ibanea kon Pilistin.