SAMUEL 1 29:1 - Alkitab Singog In Mongondow Masa In Tanaa

¹ Intau in Pilistin nosipundon kon bayongan in tontaranea kon Apek, bo intau in Israel in nononḷoḷaigan kon diug in bokaká kon Ḷopá in Yizreel.

SAMUEL 1 29:1 ပူးပေါင်းရင်းမြစ်များ

SAMUEL 2 2:9

Kon tua binaḻí i Abner in ki Isyboset nobaḻí datu kon butá mita in Gilead, Asyuri, Yizreel, Epraim bo Benyamin, nodapotbí in kon bayongan in Israel.

SAMUEL 2 5:17

Naonda in kinodongogan in intau in Pilistin kon ki Daud ain binaḻí datu in Israel, namangoi in mosia sin modomok kon inia. Táe kinodongogan i Daud in soaḷ tatua, bo minayá in sia in poḷoḷukadan.

DATU MITA IMITÁNEA 20:30

Intau mita inta nokoḷagui, noḷagui minayá in kotá in Apek, táe dinding in kotá tatua noumpag bo noibumbun kon 27.000 in intau kon sigad monia. Ki Benhadad in noḷagui doman minayá in kotá tatua bo nogadop kon tobatú baḷoi kon gopot dotá in bonunea.

DATU MITA IMITÁNEA 21:1

Kon diug in komaḻig i Ahab kon Yizreel oyúon in gobá in anggur totampat inta ki Nabot in kitogi.

DATU MITA IMITÁNEA 21:23

Bo kon i Izebel, ki Tuhan in noguman kon awaknea in kaanonbí in ungkú kon bonu in kotá in Yizreel.

DATU MITA 2 9:30

Noiyaputdon in ki Yehu kon Yizreel. Naonda in kinodongogan i Izebel onu inta ain nobaḻí, nonoguḷanoi in sia kon buoknea bo nomaké in cilá, bo iḷumongow monag nongkon jandela in komaḻig.

DATU MITA 2 9:36

Naonda intua pinotaau kon i Yehu, nogumandon in sia, “Naa in pinotaaudon muna i Tuhan, kon dodai in Sia noguman nanaa pinongin i Elia mogogundoi-Nea: ‘Awak i Izebel in kaanonbí in ungkú mita kon butá in Yizreel,

MAZMUR 83:7

bangusa in Edom bo Ismael, intau mita in Moab bo Hagar;

YOSUA 17:16

Buí i Yusup tatua notubag, “Butá kon buḷud tatua in diábí tugat kon inami, bo bangusa in Kanaan inta nogutun kon rata mita inta moompá oyúon in kereta mita in parang inta pinomia nongkon uatoi – pinomayá inta nogutun kon Bet-Sean bo ḻipú mita inta kon diugneamai, ande mosia inta nogutun kon Ḷopá in Yizreel.”

YOSUA 19:18

Noibonu kon butá monia tua in: Yizreel, Khesulot, Sunem,

YOSUA 19:30

Uma, Apek, bo Rehob. Kobayong in butá monia tua in doyowa nopuḷú bodoyowá in kotá takin ḻipú mita kon diugneamai.

HAKIM MITA 6:33

Kon tungkuḷ intua bayongan in intau in Midian, Amalek bo suku mita in bangusa ibanea kon padang gurun inta kon dotá in pomukaan kon Yordan noyosipundon. Mosia in iḷumoḷan kon Ongkag in Yordan, bo nononḷoḷaigan kon Ḷopá in Yizreel.

HAKIM MITA 7:1

Kon singgai tobatú ki Gideon takin intaunea mita nobangon nododop totok. Mosia minayá bo nononḷoḷaigan kon diug in bokaká in tubig in Harod. Pinononḷoḷaigan in intau in Midian kon dotá in utuan nongkon i monia, kon ḷopá kon diug in Buḷud in More.

SAMUEL 1 28:25

Nopaḷut mako kon tua inoḷudneadon in kaanon tatua kon i Saul bo kon pogawainea mita, bo nongaan in mosia. Onda intua minayádon in mosia doḷom doman tua.

SAMUEL 1 28:4

Dá naonda in tontara in Pilistin noyosipun bo nononḷoḷaigan kon diug in kotá in Sunem, ki Saul nosipundon kon intau in Israel, bo nononḷoḷaigan in mosia kon Buḷud in Gilboa.

SAMUEL 1 4:1

Kon dodai intua intau in Pilistin nopotabádon in bayongan in tontaranea sin moḻibut kon Israel; tuamai tontara in Israel minayá in tampat pinoparangan; mosia nononḷoḷaigan kon diug in Eben-Haezer, bo tontara in Pilistin nononḷoḷaigan kon Apek.