SAMUEL 1 28:7 - Alkitab Singog In Mongondow Masa In Tanaa

⁷ Tuamai ki Saul in noguman kon tontaranea mita inta moḷukadmai kon inia, “Potayakaipa kon bobay tobatú inta doduataan, mayá in akuoi kon inia sin mopoigum in totundú.” Mosia in notubag, “Kon En-Dor oyúon in intau ná tatua.”

SAMUEL 1 28:7 ပူးပေါင်းရင်းမြစ်များ

DATU MITA 2 6:33

Diápa nopaḷut in ki Elisa nosingog, ki datu noidapotdon intua bo noguman, “Roriga tanaa ki Tuhanbí in nopoḷabú kon inaton! Dá onupabí in mangaḻenea in akuoi moharap mako kon totuḷung-Nea?”

TAWARIKH 1 10:13

Ki Saul in minatoi popisí in diá in sia mosatia kon i Tuhan, bo diá doman dinumudui kon parenta-Nea mita. Diábí in sia nopoigum in topotundú mita nongkon i Tuhan, táe nopoigumbí kon dimukud mita in intau mita inta ain minatoi. Tuamai in ki Tuhan nohukum kon inia bo noposarakan in tampat pomomarentaannea kon i Daud adí i Isai.

MAZMUR 83:10

Pomiadon in mosia naonda bo intau in Midian, naonda bo ki Sisera bo ki Yabin kon Ongkag in Kison,

YESAYA 19:3

Diábí pobaḻíon-Ku in tomayá mita in Mesir bo momutoḷ kon ibog in gina monia. Mosia in mopoigumbí in totuḷung kon berhala mita, mopoigum kon tonggina bo topotundú kon mongongundam mita bo dimukud mita.

IMAMAT 19:31

Dika mayá moigum kon tonggina in boḻian mita inta umuran moḻibó kon dimukud in intau mita inta ain minatoi. Aka aidan monimu intua yo moiko in mobaḻí monajis. Akuoi in ki Tuhan Allahmu.

HABAKUK 2:3

Paisdon intua, sin deemanpabí orasnea in naa. Táe oras tatua in ḷagi bidon moiangoi, bo onu inta poponiata-Ku kon inimu in notantú bidon kon mobaḻíbí. Umpaka koontongan in ná moonggotpa, táe oḷatdon mako! Oras tatua in notantúbí kon moiangoibí bo diá bidon pampingon.

OUMAN IN RASUL MITA 16:16

Kon singgai tobatú doman, wakutu in kami minayá in tampat pososambayangan tatua, kami in noyodungkuḷ in tobatú bobantung bobay. Bobay tatua in kinawasaan in dimukud moraat bo inta mononoḷanow kon kobobiag in intau. Oaidannea tatua in nodia kon kauntungan moḷoben kon intau inta pinobantungannea.

ULANGAN 18:11

totaau ponggaing, ande mogogoiní kon intau mita inta ain minatoi.

YOSUA 17:11

Kon bonu in butá i Isakhar bo i Asyer tua oyúon in butá mita kapunyaan i Manasye, tuata in Bet-Sean bo Yibleam takin ḻipú mita kon diugneamai. Noituot doman: in Dor (kotá inta noiukat kon bingkí in dagat), En-Dor, Taanakh, Megido takin ḻipú mita kon diugneamai.

SAMUEL 1 28:3

Ki Samuel ain minatoi bo inombaḷan in sia in bayongan intau in Israel bo iḷobong kon Rama, kotánea tontaní. Bo ki Saul in nopoguntundon in bayongan mododoyangow bo doduataan inta nogutun kon Israel.