SAMUEL 1 28:6 - Alkitab Singog In Mongondow Masa In Tanaa

⁶ Bo nopoigum in sia in totundú kon i Tuhan, táe ki Tuhan in diábí notubag kon inia, pinomayá pinongin togoindop, andeka pinongin Urim bo Tumim andeka pinongin nabi mita.

SAMUEL 1 28:6 ပူးပေါင်းရင်းမြစ်များ

SAMUEL 2 22:42

Mosia in kinumarak, táe diá in notuḷung, mosia in nokuani kon i Tuhan, táe diá sinubagan-Nea.

MAZMUR 74:9

Nabi mita bo tomponuot mita inta mokoherang diádon koontongan bui, bo diádon tobatúmai in intau in nonotaau mongo dapot in toonu in nanaa.

IḶUAIAN 28:20

Kon pipid noginggopat in batu pirus, yakut bo ratna cempaka. Batu permata mopuḷú bo doyowa tatua musti togoton in buḷawan.

IḶUAIAN 28:30

Ukat in Urim bo Tumim kon bonu in oḻingoi in dodob tatua sin pakéon i Harun aka sia tumayow kon i-Nakó. Kon dodai in sia yogot momia kon oaidannea tatua sia in musti umuran momaké kon oḻingoi in dodob, sinbá kotaauannea mongo onu in kinoibog-Ku kon umat Israel.”

AMSAL 27:1

Dika tumakabur kon singgai ikoḷom, sin diábí kinotaauanmu onu in mobaḻí.

YEREMIA 23:28

Nabi inta sinumogoindop mustibí moguman, ‘Naa in tongábí togoindop.’ Táe nabi inta nokouḻí kon koyow nongkon i-Nakó mustibí mopotaau in koyow tatua podudui in koyow inta mobanar tua. Gandum in diábí motaau potongkaion in wawa.

OMBAḶ 2:9

Bonawangnea mita in kinobumbunandon in butá, bayongan in bonoboinea mita noputoḷ; datu bo pojabat in pomarenta dinia kon pinoḷumbúan. Hukum i Tuhan in diádon bui sinundú; nabi in diádon notarima kon tongkoyow nongkon i Tuhan.

YOËL 2:28

“Kon singgai moiduduimai bayongan in intau in ogoian-Kudon in roho-Ku. Dá ki adímu ḷoḷaki bo bobay in mopotaaudon in koyow-Ku mita; intau mita inta noguyangdon mita kon yuakmu in tumogoindopdon oontongon in ogoidon kon tayowmobiag bo mongodeaga.

IMAMAT 8:8

Bo pinoḷutudnea domandon in oḻingoi in dodob kon i Harun, bo pinopobonuneadon kon oḻingoi in dodob tatua in Urim bo Tumim.

MIKHA 3:7

Intau mita inta monoḻindap kon singgai moiduduimai in mooyábí popisí in toḻindapnea tatua in diá moitugat. Mosia komintan in mooyá bidon sin ki Allah in diábí motubag kon i monia.

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

PINOGIAPAN 27:21

Ki Yosua in musti mopoigum in totundú i Imang Eleazar, bo ki Eleazar in musti moḻibó kon onu in koibog-Ku takin mopomaké in Urim bo Tumim. Natua in pododia i Eleazar kon i Yosua bo bayongan bangusa Israel kon bonu in bayongan pelekara inta kobayáan monia.”

MATIUS 1:20

Tongá kon wakutu in sia koyogot nopomiki-mikirmai kon makusudnea tatua, malaekat i Tuhan namangoi kon inia kon bonu in togoindop bo noguman: “Yusup, buí i Daud, donaaibí moondok iko motonibuḷoi takin i Maria, sin adí inta kon bonupa in siannea tua in nobaḻí sin kawasabí in Roho i Allah.

YOHANES 9:31

Kinotaauanbí naton kon ki Allah in diábí mokidongog kon intau mita inta binaradosa, táe tongábí mosia inta mohoromat kon i Allah, bo inta mogaid kon onu in kinoibog-Nea.

ULANGAN 33:8

Bo kon suku i Lewi ki Musa in noguman: “Takin Urim bo Tumim pinoniata-Mu in ibog-Mu, pinongin intau in Lewi, mogogundoi-Mu inta mosatia. Iko nonungkuḷdon kon i monia kon Masa, bo nobobayowan monia kon bokaká in Meriba.

YAKOBUS 4:3

Bo umpaka ain noigum in moiko, táe diábí doman mokouḻí in moiko, sin noitaḷá in tujuan pinoigumanmu; sin onu inta inigum monimu tua in tongábí kasanangan monimu tontaní.

SAMUEL 1 14:37

Bo noḻibódon in ki Saul kon i Allah, “Motaau degá in akuoi monubu kon intau in Pilistin? Degá ogoi-Mudon in mosia kon bonu in kawasa in intau in Israel?” Táe diábí sinubagan i Allah in sia kon singgai tua.

SAMUEL 1 28:15

Onda intua noguman in ki Samuel kon i Saul, “Nongonu sin tuyayowonmubí in akuoi? Nongonu sin oiníonmubí bui in akuoi?” Tubag i Saul, “Mogagawangdon totokdon in akuoi sin tubuon in intau in Pilistin, bo ki Allah in nonaḷámaidon kon inakó. Diádon in akuoi sinubagan-Nea, pinomayá pinongin nabi mita, andeka pinongin togoindop. Tuamai in poigumonku kon i Amá, sinbá potaauondon i Amá onu in musti aidanku.”

SAMUEL 1 28:5

Naonda in ki Saul nokoontong kon tontara in Pilistin tatua, inagían totok in ondok in sia.