SAMUEL 1 28:16 - Alkitab Singog In Mongondow Masa In Tanaa

¹⁶ Bo ki Samuel in noguman, “Onubí in mangaḻe in pinogoiníanmu kon inakó naa bokaka ki Tuhan in nonaḷábímaidon kon inimu bo nobaḻí musungmu?

SAMUEL 1 28:16 ပူးပေါင်းရင်းမြစ်များ

DATU MITA 2 6:27

Ki datu in notubag, “Aka diá tuḷungan i Tuhan in iko, yo naondabí in akuoi mokotuḷung kon inimu? Diá in gandum andeka tubig in anggur kon inakó!

OMBAḶ 2:4

Naonda bo musung, Sia in nomadang kon puḷu in piot-Nea bo pinopotayow-Nea kon i naton in piot-Nea. Bayongan in intau inta nokosanang kon gina naton, nodait iḻimod-Nea. Sia in noporoput in torú-Nea naonda bo tuḷú kon bonu in kotá in Yerusalem tanaa.

OMBAḶ 2:5

Ki Tuhan nobaḻí naonda bo musung; binoutnea in Israel nodapot in norumbun. Irimumud-Nea in dinding mita takin komaḻig, bo nodugang kon ajar in gina kon intau in Yohuda.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 18:24

Babel ihukum sin kon bonu in kotá tatua kinokadapatandon dugú in nabi mita, dugú in umat i Allah, singogon mako kopoḷokon dugú in bayongan intau inta ain iḻimod kon dunia naa.

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.

SAMUEL 1 28:15

Onda intua noguman in ki Samuel kon i Saul, “Nongonu sin tuyayowonmubí in akuoi? Nongonu sin oiníonmubí bui in akuoi?” Tubag i Saul, “Mogagawangdon totokdon in akuoi sin tubuon in intau in Pilistin, bo ki Allah in nonaḷámaidon kon inakó. Diádon in akuoi sinubagan-Nea, pinomayá pinongin nabi mita, andeka pinongin togoindop. Tuamai in poigumonku kon i Amá, sinbá potaauondon i Amá onu in musti aidanku.”

SAMUEL 1 28:17

Ki Tuhan ain nopoaid kon inimu ná inta ain pinoguman-Nea kon inakó. Ki Tuhan ain nogamá kon dodatuan in Israel nongkon inimu bo inogoi kon i Daud.