SAMUEL 1 27:4 - Alkitab Singog In Mongondow Masa In Tanaa

⁴ Naonda in kinodongogan i Saul kon ki Daud ain noḷagui minayá in Gat, diádon in sia moḷongasi modomok kon inia.

SAMUEL 1 27:4 ပူးပေါင်းရင်းမြစ်များ

SAMUEL 2 15:18

Bayongan in pogawai i datu in sinimindog kon ḻimakonea kon dodai in tontara moḷoḷukad kon i datu nopipid sinumaḻib kon inia. Bo onom nogatut doman in tontara inta dinumudui kon inia nongkon Gat, nopipid kon tayowonnea.

SAMUEL 1 26:21

Bo ki Saul in notubag, “Akuoi ain nogaid kon noitaḷá. Pobuidon Daud, Adíku! Akuoi in diá bidon bui mogaid kon inta moraat kon inimu sin inogoimudon in akuoi nobiagpa in kogobíi. Dodiaku tua in nopompuḷongdon totok. Akuoi in totu-totuudon kon ain notoboḻingo!”

SAMUEL 1 27:3

Dá nogutundon in sia kon tua noyotakin in intaunea kon Gat, kon batúannea takin motoḷuadí monia. Ki Daud in nodia kon i buḷoinea doyowa, inta ki Ahinoam bobay nongkon Yizreel, bo ki Abigail, ki baḷú i Nabal bobay in Karmel.

SAMUEL 1 27:5

Bo nopoigumdon in ki Daud kon i Akhis, “Aka mopia in gina i Tuang datu kon bobantung naa, yo ogoiaipa in bobantung naa in kotá mointok tobatú kon inta moako sin pogutunan, dá bobantung i Tuang naa in diádon tongá umaḷum kon i Tuang kon kotá tanaa.”