SAMUEL 1 27:10 - Alkitab Singog In Mongondow Masa In Tanaa

¹⁰ Aka ki Akhis moḻibó kon inia, “Kon onda in bayáanmu ponubuan in tanaa?” Dá ki Daud in moguman kon inia kon sia in minayádon kon dotá in toḷatan in Yohuda andeka kon butá in intau in Yerahmeel andeka butá pinogutunan in intau in Keni.

SAMUEL 1 27:10 ပူးပေါင်းရင်းမြစ်များ

KINOBAḺIAN 27:24

sia komintanpa doman bui noḻibó, “Totuu kon ki Esau in iko nion?” “Totuu,” tubag i Yakub.

SAMUEL 2 17:20

Intau mita inta pinotabá i Absalom namangoi in baḷoi tatua bo noḻibó kon bobay tatua, “Kon onda in ki Ahimaas bo ki Yonatan?” “Bagupabí in mosia minayá iḷumoḷan kon ongkag,” tubagnea. Sinayakdon monia in tayowmobiag doyowa tatua, táe diábí nouḻí monia, bo nobuidon in mosia kon Yerusalem.

TAWARIKH 1 2:25

Ki Yerahmeel ki adí guya-guyang i Hezron in kogadí kon adí ḷoḷaki taya ḻima: ki Ram in guya-guyang totok, bodongka ki Buna, ki Oren, ki Ozem bo ki Ahia.

TAWARIKH 1 2:9

Ki Hezron in kogadí kon adí ḷoḷaki taya toḷu: ki Yerahmeel, ki Ram bo ki Kaleb.

MAZMUR 119:163

Bayongan in uboḷ kinodoíku, táe hukum-Mu in kinoibogku.

MAZMUR 119:29

Poyayúdon in akuoi nongkon daḷan inta mokopoḷaḻe, popisí in kopopia-Mu, yo tundú kon inakó in hukum-Mu.

AMSAL 29:25

Moondok kon raian in intau, mokopoangoi kon roriga. Popirisaya kon i Tuhan, dá moamanbí in iko.

PINOGIAPAN 24:21

Kon bonu in pinosindapan tatua ki Bileam nokoontong kon buí i Keni, bo nopotaau in tosingogon tanaa, “Tampat pinogutunanmu tua in totuu kon morigon, naonda bo pugad kon tudu in buḷud batu.

EPESUS 4:25

Manangka intua Utatku mita, dikadon moibog monguboḷ. Mokopojujurbí aka mobiag, sin kita komintan naa in tumpaḷabí anggota in awak i Kristus.

HAKIM MITA 1:16

Buí inunuton i Musa, inta intau mita in Keni, dinumudui kon intau in Yohuda iḻumuai nongkon Yerikho, kotá in kurma, bo minayá in padang gurun kon dotá in toḷatan in Arad kon Yohuda. Kon tua in mosia nogutun kon yua-yuak in bangusa Amalek.

HAKIM MITA 4:11

Kon tungkuḷ intua ki Heber, intau in Keni, ain sinumondí kon bangusanea. (Bangusa in Keni tua in buí i Hobab, ki bila i Musa.) Ki Heber minayádon noposindog in ḷoḷaigannea mita kon diug in pangkoi mita in terpentin kon Zaanaim, diábí noyayú nongkon Kedes.

HAKIM MITA 5:24

Binarakatandon in ki Yael, ki buḷoi bobay i Heber intau in Keni; nongkon bayongan inta nogutun kon ḷoḷaigan, sia tuata inta totok in binarakatan.

SAMUEL 1 15:6

Sia in nokidia doman in koyow tompoingat kon intau in Keni kainia, “Bayádon bo taḷaaidon in intau in Amalek, sinbá moiko in diá poyotakinonku yompaton takin monia, sin dungkuḷmai in mogoguyang monimu noibogdon noyobayat in intau in Israel kon dodai in intau in Israel namangoi nongkon Mesir.” Dá minayádon in intau in Keni nongkon tua.

SAMUEL 1 21:2

Ki Daud in notubag, “Akuoi ain pinopoabatan i Tuang Datu in oaidan bo diánea ogoi potaau kon i ineka in oaidan tatua. Tuamai intauku ain pinoki oḷatanku kon tampat tobatú.

SAMUEL 1 23:27

Táe daḻídon noiangoi in totabá tobatú kon i Saul bo noguman, “Ki Tuang datu in musti ḷagi mobui! Intau mita in Pilistin ain nonubu kon butá naton!”

SAMUEL 1 27:11

Diá tobatúmai in intau kon butá mita inta sinubúnea tua in pinomayánea mako nobiag, sinbá diádon in intau nongkon butá mita tatua in mayá in Gat sin mopotaau kon bayongan inta inaidan i Daud takin intaunea mita. Natuata in aid i Daud kon dodai in sia nogutun kon butá in Pilistin.

SAMUEL 1 29:8

Ki Daud in notubag, “Taḷábí onu degá inta ain inaidan in bobantung naa, Tuang datu? Aka ná kain tosingogon i Tuang datu, ki Tuang datu in diábí kon dodai onda in nokouḻí kon taḷá in bobantung naa pinangkoi kon akuoi in nobantung kon i Tuang datu nodapot in tanaa, yo nongonu sin bobantung naa in diábí ogoi moparang monayow kon musung i Tuang datu?”