SAMUEL 1 27:1 - Alkitab Singog In Mongondow Masa In Tanaa

¹ Ki Daud norai kon bonu in ginanea, “Naondaka doman yo kon singgai tobatú in ki Saul in moḻimodbí kon inakó. Dá diábí in daḷan ibanea kon inakó, koḻikudon in moḷagui mayá in butá in Pilistin. Aka natua dá diá bidon tayakon i Saul in akuoi kon Israel, bo akuoi in moaman domandon.”

SAMUEL 1 27:1 ပူးပေါင်းရင်းမြစ်များ

DATU MITA IMITÁNEA 12:26

Sia in norai nanaa, “Aka rayat bo umuran mayá in Yerusalem sin moposumba in kuruban kon Baḷoi Tuhan ná inta inaidan monia tanaa, mosia in buibí motuḷung kon i Rehabeam, datu in Yohuda, bodongka moḻimod kon inakó.”

DATU MITA IMITÁNEA 12:28

Naonda in noporai-raimai kon tua, nomia in sia kon patong sapi buḷawan bo noguman kon rayat, “Bangusa in Israel! Noonggotdon in moiko in minayá in Yerusalem sin moibada. Tanaa in naadon in ilahmu mita inta ain nodia kon i monimu iḻumuai nongkon Mesir!”

DATU MITA IMITÁNEA 19:3

Inagían in ondok in ki Elia, bo noḷagui in sia sinbá diá ḻimodon. Sia bo bobantungnea in minayá in Bersyeba inta kon Yohuda. Kon tua sinaḷáanneadon in bobantungnea tatua,

TAWARIKH 2 25:17

Ki Amazia datu in Yohuda takin mononongginanea nopopogdon monayow kon Israel. Nopotabá in sia in totabá kon i Yoas datu in Israel, ki adí i Yoahas, ki ompu i Yehu, sin monontot kon inia moparang.

MAZMUR 116:11

Kon bonu in kinotoboḻinguanku akuoi in noguman, “Diábí tobatúmai intau in motaau pirisayaan.”

MAZMUR 55:7

Ah, aka kuma bo kokoḻikipan in akuoi naonda bo paḷoma, ḷumayugbí in akuoi motayak kon tampat inta moodom.

IḶUAIAN 14:12

Koḻipod kon Mesir aindon pinoguman nami kon soaḷ tanaa in mobaḻíbí! Kami ain noguman kon dikadon tuyayowon in kami, bo pomayádon mako umuran mobaḻí ata in kami kon Mesir. Sin maníka mobaḻí ata kon tua dika in matoi kon padang gurun tanaa!”

AMSAL 13:12

Aka kamang diá intompodan, mororiga in gina; aka ibog kinodapotan, mosanang in gina.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

PINOGIAPAN 14:3

Onubí in mangaḻe in podiaan i Tuhan kon i naton mayá in tua? Bá matoi degá in kita kon parang bo buḷoi takin adí mita naton dakopon monia. Mopia-piabí kon mobui in kita kon Mesir!”

MATIUS 14:31

Dá siningkap i Yesus in ḻima-Nea, bo poḷat noguman kon i Petrus nanaa, “Ei intau inta diá totok mopirisaya. Nongonu sin moḻia-ḻiawbí in ginamu?”

MARKUS 4:40

Bo ki Yesus in noḻibó kon murí-Nea mita, “Nongonu sin moondokbí in moiko? Nongonu sin diábí in moiko mopirisaya kon i-Nakó?”

KORINTUS 2 7:5

Wakutu in kami in noidapotdon kon Makedonia, diádon in kami nokopogogai. Kami in tantú nokouḻí kon kasulitan: sin tantú oyúon in ropatoi, sahingga in gina nami tantú moondok.

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

SAMUEL 1 16:13

Baḷúdon in ki Samuel nogamá kon ḷana zaitun tatua bo noduí kon i Daud takin upacara pinopoinggúan in ḷana kon tayowon i guya-guyangnea mita. Kon dodai doman intua ki Daud kinawasaan in Roho i Tuhan. Nongkon singgai tua nodapot in singgai noiduduimai mita Roho i Tuhan koyota-yotakinnea. Onda intua nobuidon in ki Samuel kon Rama.

SAMUEL 1 20:3

Ki Daud in notubag, “Kinotaauanbí totok i amámu kon iko in motabibí kon inakó. Dá notantú bidon kon diábí potaaunea kon inimu in soaḷ tatua sinbá diá moajar in ginamu. Naondaka doman, podoyon kon i Tuhan inta nobiag, totuubí kon kobiaganku naa in naonda bo natu kon ḷuntung in tungoi!”

SAMUEL 1 22:5

Kon singgai tobatú nabi tobatú inta ki Gad in tangoinea namangoi kon i Daud bo noguman, “Dika mogutun mako kon angob tanaa, ḷagidon bayá kon butá in Yohuda.” Bo minayá domandon in ki Daud bo sinumuot kon kayuon in Keret.

SAMUEL 1 23:17

Guman i Yonatan kon inia, “Dika moondok, iko in diábí kokawasaan i amáku. Kinotaauanneabí totok kon ikobí in mobaḻí datu in Israel bo akuoi in mokouḻíbí kon oaidan kon ḻimonaganmu.”

SAMUEL 1 25:30

Ki Tuhan in mopoaidbí in bayongan in kopiaan inta pinodandi-Nea kon i Tuangku, bo diádon moonggot in ki Tuangku baḻíon-Nea datu kon Israel.

SAMUEL 1 26:19

Tuang datu, indongogaidon in sumba in bobantung naa. Aka kuma ki Tuhan in nopotabá kon i Tuang datu sinbá moḷawang kon bobantung naa, yo sosumba kuruban tobatú in mokoonowbí kon torú-Nea kon bobantung naa. Táe aka inta nopotabá tua kon i Tuang datu bo intaubí, yo igumon mako mosia tua in kutukondon i Tuhan! Popisí in aid monia tatua, bobantung naa ain pinoguntun nongkon butá kapunyaan i Tuhan bo pakisadon mustibí mayá in butá ibanea bo pokisumbaan in dewa mita inta diá kinotaauanku.

SAMUEL 1 29:2

Datu in Pilistin taya ḻima minayá nopipid takin pinonobatúan-pinonobatúannea inta kon batúannea oyúon in tumogogatut bo oyúon in tumongoribu in intau; ki Daud bo intaunea in nopipid kon tumi noyotakin i Datu Akhis.

SAMUEL 1 29:3

Tongguḷu totokan mita in tontara intau in Pilistin nokoontong kon i monia bodongka noḻibó, “Mongonu kon naa in intau mita in Ibrani tatua?” Ki Akhis in notubag, “Naa in ki Daud, inta koḻipod in nobaḻí pogawai i Datu Saul nongkon Israel. Sia in noḻin onggotdon in nogutun kon inakó. Pinangkoipa kon namangoi in sia kon inakó nodapot in singgai naa, diápabí kon dodai in onda in sia kinokadapatanku in nomia kon noitaḷá.”