SAMUEL 1 26:20 - Alkitab Singog In Mongondow Masa In Tanaa

²⁰ Dikadon pomayá mako in bobantung naa matoi kon butá in intau, moyayú kon i Tuhan. Onubí in mangaḻenea datu in Israel mamangoi sin moḻimod kon kutu tobatú ná akuoi naa? Onubí in mangaḻenea mondudur kon bobantung naonda bo mondudur kon ḻengat?”

SAMUEL 1 26:20 ပူးပေါင်းရင်းမြစ်များ

YEREMIA 16:16

Ki Tuhan in noguman, “Akuoi in mogoiníbí kon nobarong in mododomok kon toyá sin modomok kon intau mita tanaa. Onda intua mogoiní in Akuoi kon mogogungkú sin mogaḷow kon i monia kon bayongan in buḷud bo tombuḷudnea, bo kon angob mita in tombuḷud batu.

OMBAḶ 3:52

Naonda bo ḷagapan, akuoi in dinuduran in musung inta diábí in kinodoyonannea moyaat in gina kon inakó.

MATIUS 26:47

Wakutu in ki Yesus yogotpa noyosingog, ki Yudas, tobatú murí-Nea in namangoidon noyotakin in intau mobayong inta kodia-dia in pitow. Bo bobobak, tua komintan in pinoki dia in imang mita itoi bo guhanga in ḻipú intau Yahudi.

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

SAMUEL 1 2:9

Intau inta mosatia in umuran moaman kon bonu in kawasa i Tuhan. Táe intau inta moraat in morimumud matoi kon bonu in sindip bo kintui totok. Ropot tontaní diá motaau in pongata, ropot in intau diá mokoogoi kon kauntungan.

SAMUEL 1 24:11

Tanaa in kinorasaandon tontaní i Tuang Datu kon koina kon bonu in angob, pinosarakandon i Tuhan in ki Tuang kon inakó. Akuoi naa in dinondouḷugandon in intau tobatú kon moḻimod kon i Tuang Datu, táe doí in akuoi. Akuoi in notubag kon akuoi in doíbí mopororigamai kon datu inta ain piniḻí i Tuhan.

SAMUEL 1 24:14

Kinotaauanbí i Tuang Datu in tangkí dungkuḷmai tanaa, ‘Aid moraat in tongábí aidan in intau moraat.’ Tuamai in akuoi in doíbí mopororiga kon i Tuang Datu.

SAMUEL 1 24:15

Taridiaidon in akuoi naa inta ḻimodon i datu in Israel! Indoiaidon in akuoi naa inta aḷo-aḷowannea mako! Akuoi inta tongábí ná ungkú tobatú inta minatoi, tongábí ná kutu tobatú.

SAMUEL 1 25:29

Aka oyúon in intau monubu kon i Tuangku bo monungkuḷ moḻimod kon i Tuangku, dá ki Tuangku in notantú bidon kon ḷukadan i Tuhan Allah naonda bo kapunyaan inta iḷukadan i toginea. Táe musung i Tuangku in pogambatdon i Tuhan koyayúon, pogambat-Nea naonda bo koyayú in kogambatan in katipol.