SAMUEL 1 26:19 - Alkitab Singog In Mongondow Masa In Tanaa

¹⁹ Tuang datu, indongogaidon in sumba in bobantung naa. Aka kuma ki Tuhan in nopotabá kon i Tuang datu sinbá moḷawang kon bobantung naa, yo sosumba kuruban tobatú in mokoonowbí kon torú-Nea kon bobantung naa. Táe aka inta nopotabá tua kon i Tuang datu bo intaubí, yo igumon mako mosia tua in kutukondon i Tuhan! Popisí in aid monia tatua, bobantung naa ain pinoguntun nongkon butá kapunyaan i Tuhan bo pakisadon mustibí mayá in butá ibanea bo pokisumbaan in dewa mita inta diá kinotaauanku.

SAMUEL 1 26:19 ပူးပေါင်းရင်းမြစ်များ

KINOBAḺIAN 44:18

Ki Yohuda in minayá dinimiug kon i Yusup bo noguman, “Maap, Tuangku, ogoipa in bobantungmu naa mosingog bui takin i Tuangku. Dika tumorú kon inakó inta tongá bobantung naa; Ki Tuang nádon ki datu in Mesir tontaní.

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

SAMUEL 2 14:16

Iraiku kon ki Tuangku in mokidongogbí bo moposaḷamat kon inakó bo kon i adíku. Mosia in makusud mopoguntun kon inami nongkon butá inta inogoi i Allah kon umat-Nea.

SAMUEL 2 16:10

Táe noguman in ki datu kon i Abisai bo kon i Yoab ki guya-guyangnea, “Dikadon hirauonmai. Pomayádon mako in sia mogodi-godimai kon inakó. Sin aka ki Tuhan in nopotabá kon inia, yo ki inebí in kohak moḻibó kon inia nongonu sin momiabí natua in sia?”

SAMUEL 2 16:11

Bo ki Daud in noguman bui kon i Abisai bo kon bayongan in bobantungnea, “Ki adíkupa tontaní in moḷongasidon moḻimod kon inakó; yo nongonu sin moiko in moherangbí in mokoontong kon dodia in intau in Benyamin tanaa? Ki Tuhanbí in nopotabá kon inia mogodi-godimai kon inakó; tuamai in dikadon onuon monimu in sia bo pomayádon mako in sia mogodi-godimai.

SAMUEL 2 20:19

Kotá nami Abel naa in moḷoben, tongobatú kotá inta nobiag notompia bo mosatia kon butá in Israel. Nongonu sin ḷongasionbí poguyaaton i Tuang? Moibog degá in ki Tuang momoguyaat kon butá kapunyaan i Tuhan?”

SAMUEL 2 21:3

bo noḻibó kon i monia, “Onu in motaau aidanku sin kopontinganmu? Moibog in akuoi motobut kon taḷá inta ain inaidan kon inimu, sinbá moiko in momarakat kon umat i Tuhan.”

SAMUEL 2 24:1

Ki Tuhan in sinumorú bui kon Israel, bo ki Daud in dinondouḷugan-Nea sin makusud mopoangoi in roriga kon bangusa tatua. Guman i Tuhan kon inia, “Iapdon in intau kon Israel bo Yohuda.”

DATU MITA IMITÁNEA 22:22

‘Naonda in podondouḷugmu?’ ki Tuhan in noḻibó. Dimukud tatua in noguman, ‘Mayá in akuoi bo baḻíonku sinbá bayongan in nabi i Ahab in monguboḷ.’ Ki Tuhan in noguman, ‘Mopia, aidaidon intua, kodondouḷuganmubí in sia.’ ”

TAWARIKH 1 21:1

Moibog in Ibilis mopobodito kon intau in Israel; tuamai in dinondouḷugannea in ki Daud sinbá mogiapdon kon intau.

MAZMUR 120:5

Moboditodon in akuoi popisí in musti mobiag moyotakinmu; diá in yoposinea naonda bo nogutun kon Mesekh, andeka kon sigad in intau in Kedar.

MAZMUR 20:4

Igum mako kotoropan-Nea in bayongan inta pinosumbamu, bo moibog kon bayongan in kuruban payongonmu.

AMSAL 30:10

Dika in bobantung moponapud in uboḷ kon i tuangnea, sinbá diá in iko odi-odian bo potaḷáan.

YESAYA 60:5

Mokoontongmai kon natua moherang in iko bo pogotmu in motarimbuka; Moitongau in iko bo moḷoben in gina. Kapunyaan in bangusa mita diaan kon inimu, kaoyúonan nongkon ḷoḷan in dagat momuḻing kon inimu.

IMAMAT 26:31

kotámu mita umpagon-Kudon, tampat mita pososumbaanmu in rimumudon-Kudon bo kurubanmu mita in diá tarimaan-Ku.

PINOGIAPAN 36:7

Butá tonsilai in batúan intau Israel in umuranbí kantangan in sukunea.

PINOGIAPAN 36:9

dá butá tonsilai tatua diá bidon moipamping magí mako nongkon suku tobatú moibayá in suku ibanea. Batúan in suku bangusa Israel in umuranbí mokadai kon butá tonsilainea tontaní.”

SURAT I PAULUS KON JAMAAT RUM 14:15

Sin aka iko bo moposakí kon gina i utatmu tumpaḷa Keresten tongá popisí in onu in kinaanmu tua, dá aidmu tua in diádon pinodoyon kon tabi. Donaaibí pomayámu mako in ki utatmu tua in mobodito tongá popisí in onu in kinaanmu, sin ki Kristus ain minatoi popisí in intau doman tobatú tatua.

GALATIA 5:12

Mopiadon totok aka intau mita inta umuran mopotombauk in raian monimu nion, baḷúdon ḷumuai nongkon jamaat!

ULANGAN 13:3

dikadon iko mokidongog kon tosingogonnea. Ki Tuhan Allahmu in nomaké kon intau tatua sin monungkuḷ kon i monimu, sin moindoi mongo totu-totuu in moiko motabi kon i Tuhan ande diá.

TIMOTIUS 2 4:14

Ki Aleksander inta mononontaḷ kon tambaga tua, nomiadon kon inta totok in diá mopia kon inakó. Tongá tuḻíanbí i Tuhan in oaidnea tatua podudui doman in oaidnea.

SAMUEL 1 18:10

Nopoikoḷomai kon singgai ki Saul kon bonu in baḷoinea kokada-kadai in pandongnea bo daḻídon in sia kinawasaan in dimukud moraat inta pinotabá i Allah, nodapot in sia irumobut naonda bo intau nobundai. Kon dodai intua ki Daud mopogogitogmai in kecapi ná biasamai.

SAMUEL 1 24:9

Iḻumuai domandon in ki Daud nongkon angob tatua bo nomaḷú kon tumimai i Saul, “Tuang Datu!”

SAMUEL 1 25:24

bo poḷat noguman kon inia, “Tuangku, indongogaipa kaasí in akuoi naa! Biódon mako bá akuoidon tontaní in mobaba kon taḷá tatua!

SAMUEL 1 27:1

Ki Daud norai kon bonu in ginanea, “Naondaka doman yo kon singgai tobatú in ki Saul in moḻimodbí kon inakó. Dá diábí in daḷan ibanea kon inakó, koḻikudon in moḷagui mayá in butá in Pilistin. Aka natua dá diá bidon tayakon i Saul in akuoi kon Israel, bo akuoi in moaman domandon.”