SAMUEL 1 26:15 - Alkitab Singog In Mongondow Masa In Tanaa

¹⁵ Tubag i Daud, “Abner, diábí kinotaauanmu degá kon iko nion in intau inta totok in motoyang kon Israel? Nongonu sin diábí iḷukadanmu in ki tuangmu, ki Tuang Datu? Bagupabí oyúon in intau sinumuot kon ḷoḷaiganmu sin moḻimod kon i tuangmu.

SAMUEL 1 26:15 ပူးပေါင်းရင်းမြစ်များ

SAMUEL 2 3:38

Guman i datu kon intau mita inta dinumudui tatua, “Diábí degá kinotaauan monimu kon singgai in naa tobatú itoi moḷoben kon Israel ain minatoi?

DANIEL 4:19

Nokodongogmai kon tua, ki Daniel inta dinonoi doman ki Beltsazar, noitaḻikokog bo noitongau notoyong. Dá akuoi, ki Datu Nebukadnezar in noguman kon inia, “Beltsazar, dikabí moḻia-ḻiaw in ginamu popisí in togoindop takin mangaḻenea tua.” Ki Beltsazar in notubag, “Tuangku, mopia-piabí aka kuma bo bayongan inta mobaḻí inta sinoḻindap in togoindop tatua bo moiuma kon musung mita i Tuangku bo deeman kon i Tuangku.

MATIUS 26:40

Nopaḷut mako nosambayang minayá bui in Sia kon murí-Nea mita, táe kinobayáan-Neamai mosia nosiug mako. Dá Sia in noguman kon i Petrus, “Eta diádon mokotahang in moiko in moḷukad takin-Ku umpaka tongá tojam?

SAMUEL 1 26:14

Onda intua nomaḷúdon in ki Daud kon i Abner bo kon tontara i Saul, kainia, “Abner! Dinongogmu degá in singogku?” Dá ki Abner in nomaḷú domandon, “Ki ine degá in iko inta momaḷú nion?”

SAMUEL 1 26:16

Iko nion in diá mokoaid kon oaidanmu, Abner! Podoyon kon i Tuhan inta nobiag moiko komintan in patusbí matoi, sin diá noḷukad kon i tuangmu, datu inta piniḻí i Tuhan. Tungkuḷaika indoiai! Kon onda degá in pandong i datu? Kon onda degá in tampat in tubig inta inukat kon uḷuannea?”