SAMUEL 1 26:14 - Alkitab Singog In Mongondow Masa In Tanaa

¹⁴ Onda intua nomaḷúdon in ki Daud kon i Abner bo kon tontara i Saul, kainia, “Abner! Dinongogmu degá in singogku?” Dá ki Abner in nomaḷú domandon, “Ki ine degá in iko inta momaḷú nion?”

SAMUEL 1 26:14 ပူးပေါင်းရင်းမြစ်များ

SAMUEL 2 2:8

Itoi in tontara i Saul, inta ki Abner adí i Ner, ain noḷagui noyotakin i Isyboset ki adí i Saul, noḷagui minayá in Mahanaim kon ḷoḷan in Ongkag in Yordan.

SAMUEL 1 14:50

Tangoi buḷoi Saul in ki Ahinoam, i adí i Ahimaas; Itoi in tontaranea in ki Abner adí i Ner, inta pokuamáan i Saul.

SAMUEL 1 26:13

Bo ki Daud iḷumopot kon bingkí in ḷopá inta ibanea nodapot kon tudu totok in buḷud, bo noyayúdon in sia kon pinononḷoḷaigan i Saul.

SAMUEL 1 26:15

Tubag i Daud, “Abner, diábí kinotaauanmu degá kon iko nion in intau inta totok in motoyang kon Israel? Nongonu sin diábí iḷukadanmu in ki tuangmu, ki Tuang Datu? Bagupabí oyúon in intau sinumuot kon ḷoḷaiganmu sin moḻimod kon i tuangmu.