SAMUEL 1 26:10 - Alkitab Singog In Mongondow Masa In Tanaa

¹⁰ Podoyon kon i Tuhan inta nobiag, kinotaauankubí kon bain ki Tuhan tontaní in moḻimod kon i Saul, aka modapotdon in wakutunea matoi, andeka aka sia matoi kon poparangan.

SAMUEL 1 26:10 ပူးပေါင်းရင်းမြစ်များ

KINOBAḺIAN 47:29

Naonda in nodiugdon wakutunea matoi, inoinínea in ki Yusup, ki adínea tua, bodongka noguman kon inia, “Poukatdon in ḻimamu kon sigad in páaku doyowa naa bo pongibotdon kon iko in diábí moḷobong kon inakó kon butá in Mesir tanaa.

AYUB 14:14

Sin, aka intau matoi, mobiag bui degá in sia? Pomuḷoi in singgai akuoi mogoḷat modapot in singgaiku inta mopait tanaa monaḷámai.

AYUB 14:5

Umur in intau ain sinantú-Mu; kobayong in buḷannea ain sinigadan-Mu. Ain doman sinantú-Mu in kodapotan in kobiagannea; diábí doman in sia ḻimimpat kon tua.

AYUB 7:1

Intau tua in naonda bo pinakisa mogaid kon oaidan; mobogat in kobiagannea naonda bo kobobiag in intau noniguan;

MAZMUR 37:10

Intau moraat in ḷagibí moinggamá, aka tayakon, yo diá bidon in sia.

MAZMUR 37:13

Táe kosinganbí i Tuhan in intau moraat, sin kinotaauan-Neabí in imbuit in kobiagan in intau tatua in nodiugdon.

MAZMUR 94:23

Sia in mohukum kon intau moraat podudui in aidnea inta moraat, bo nomompon kon bibig monia popisí in dosanea. Ki Tuhan Allah naton in momomponbí kon i monia.

MOHOHUTUBA 3:2

Ki Allah in nonantú kon wakutu mononggadí bo wakutu matoi, wakutu momuḷa bo wakutu morabut kon inta pinomuḷa,

LUKAS 18:7

Umpaka yo diá tuḷungan i Allah in intau inta ain piniḻí-Nea bo inta umuran doman mokuani kon i-Nia doḷom bo singgai? Umpaka yo onggo-onggotan-Neapa in wakutu-Nea motuḷung kon i monia?

SURAT I PAULUS KON JAMAAT RUM 12:19

Utatku mita inta kinotabiku, donaai in moiko motagú kon sakí in gina bo monomayá monuḻí, pomayádon mako bain ki Allah in motuḻí. Sin kon bonu in Buk Motusi ain pinais nanaa: “Akuoibí in motuḻí. Hukumon-Kubí in sia, guman i Tuhan.”

ULANGAN 31:14

Onda intua ki Tuhan noguman kon i Musa, “Kobiaganmu in diádon moonggot. Dá, oinídon in ki Yosua bo diádon in sia kon Ḷoḷaigan-Ku, sinbá Akuoi in motaaudon mobogoi in topotundú mita kon inia.” Dá minayádon in ki Musa bo ki Yosua kon Ḷoḷaigan i Tuhan,

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

IBRANI 10:30

Sin kinotaauan bidon naton ki ine in Sia inta noguman, “Akuoi in motuḻíbí! Akuoi in mohukumbí!” Bo inta noguman doman nanaa, “Hakimonbí i Tuhan in umat-Nea.”

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.

WAHYU 18:8

Popisí in soaḷ tatuata, dá kon bonu in tosinggai tua sia koantugan in bodito – takit, kuyang in gina, bo malarat in kaanon. Bo sia in pokakon in tuḷu. Sin mokawasabí in ki Tuhan Allah inta mohakim kon inia tua.”

SAMUEL 1 24:12

Indoiaika, Amáku! Indoiaika in pongkóan in jubah i Tuang Datu inta kokada-kadaiku naa! Sabanarnea in koḻimodankubí in ki Tuang, táe akuoi in tongábí nomongkó kon topiḻik in bingkí in jubah i Tuang Datu. Dá, noniatadon kon akuoi in diábí komakusud moraat andeka inta diá mopia. Ki Tuang in mogaḷo-gaḷow mako kon inakó sin moḻimod, umpakabí akuoi naa diá kotaḷá topiḻikmai kon i Tuang Datu.

SAMUEL 1 24:15

Taridiaidon in akuoi naa inta ḻimodon i datu in Israel! Indoiaidon in akuoi naa inta aḷo-aḷowannea mako! Akuoi inta tongábí ná ungkú tobatú inta minatoi, tongábí ná kutu tobatú.

SAMUEL 1 25:26

Ki Allah ain nogimaḷow kon i Tuangku motuḻí bo moḻimod kon musung mita i Tuang. Bo tanaa Tuangku, podoyon kon i Tuhan inta nobiag, bobantung naa in mongibot, igumon mako nasib in bayongan musung i Tuangku bo bayongan in intau inta moibog momia kon mokobodito kon i Tuangku in mobaḻídon ná nasib in Nabal.

SAMUEL 1 25:38

Bo degá mopuḷúmai nosinggai nongkon tua ki Nabal bui pinopoangoian i Tuhan in nakit in putú dá minatoidon in sia.

SAMUEL 1 25:39

Naonda in kinodongogan i Daud kon ki Nabal in minatoidon, noguman in sia, “Dinayo-dayowdon in ki Tuhan! Sia ain notuḻí kon singkuḻe i Nabal kon inakó, bo ain nogimaḷow kon bobantung-Nea naa mogaid kon inta moraat. Ki Tuhan ain nohukum kon i Nabal popisí in aidnea inta moraat.” Onda intua ki Daud nopotabá in intaunea minayá kon i Abigail sin mogamá kon inia mobaḻí ki buḷoinea.

SAMUEL 1 31:4

Bo nogumandon in ki Saul kon tayow mobiag inta nodia kon pakakat in parangnea, “Rabutdon in kedangmu bo tumbukdon in akuoi, sinbá akuoi diá pogogitog muna bodongka ḻimodon in intau mita inta diá nonotaau kon i Tuhan tatua.” Táe tayow mobiag tatua in doíbí monumbuk kon inia, sin totok in sia mohoromat kon i Saul. Manangka intua ki Saul in norabutdon kon kedangnea tontaní bo inumumpag kon mata in kedang tatua.

SAMUEL 1 31:6

Natuata in kinopopatoi i Saul takin i adínea ḷoḷaki toḷu, bo bayongan in intaunea bo tayowmobiag tatua in minatoi tosinggai monag tua.