SAMUEL 1 25:32 - Alkitab Singog In Mongondow Masa In Tanaa

³² Bo ki Daud in noguman kon inia, “Dinayo-dayowdon in ki Tuhan, Allah in Israel, inta nopotabá kon inimu nokipodungkuḷ kon inakó singgai in naa!

SAMUEL 1 25:32 ပူးပေါင်းရင်းမြစ်များ

KINOBAḺIAN 24:27

Gumannea, “Dinayo-dayowdon in ki Tuhan, ki Allah i tuangku Abraham. Ki Tuhan noniata kon mosatia bo motabi kon i tuangku Abraham. Dinia-Nea in akuoi baḷú noyodungkuḷ in ginaḷumnea.”

DATU MITA IMITÁNEA 1:48

bo nosambayang, ‘Dinayo-dayowdon in iko, o Tuhan, Allah inta sinumba in umat Israel. Singgai in naa intau tobatú nongkon buíku aindon dinuí-Mu nobaḻí datu nonoḻiu kon inakó. Bo akuoi in inogoian-Mupa in kobiagan noindoi kon tua!’ ”

DATU MITA IMITÁNEA 8:15

Sia in nosingog, “Koḻipod in ki Tuhan in nodandidon kon i amáku ki Daud nanaa, ‘Pinangkoi Akuoi nodia kon umat-Ku iḻumuai nongkon Mesir, kon bayongan in butá in Israel diábí in tobatúmai in kotá inta piniḻí-Ku nobaḻí tampat poposindogan in baḷoi tampat poibadaan kon i-Nakó. Táe Iko, Daud, piniḻí-Ku sin momarenta kon umat-Ku.’ Dinayo-dayowdon in ki Tuhan Allah in Israel inta ain nogintompod kon dandi-Nea tatua!”

EZRA 7:27

Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

MAZMUR 106:48

Dayowdon in ki Tuhan, ki Allah in Israel, tanaa mako dapot in mononoi. Biódon mako bayongan in intau moguman, “Amin!” Dayowdon in ki Tuhan!

MAZMUR 31:22

Dinayo-dayowdon in ki Tuhan! Totuu mokoherang in tabi-Nea kon inakó, kon tungkuḷ in akuoi kinopung bo sinubu.

MAZMUR 72:18

Dinayo-dayowdon in ki Tuhan, Allah in Israel! Tongábí Sia in mogaid kon inta mokoherang mita.

IḶUAIAN 18:10

bo noguman in sia, “Dinayo-dayowdon in ki Tuhan inta noposaḷamat kon i monimu nongkon kawasa i datu bo in bangusa Mesir! Dinayo-dayowdon in ki Tuhan inta nopoḷuatdon kon bangusa Israel nongkon pinononggataan!

LUKAS 1:68

“Dinayo-dayowdon in ki Tuhan, ki Allah Israel! Sia ain notuḷung kon umat-Nea bo nonginggamá doman kon roriga monia.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

YOSUA 22:33

Dá nopiadon in gina in umat tatua in nokodongogmai kon tua, nodapot in mosia nodayow kon i Allah. Mosia in diá bidon nongonguman kon niat monia monubu kon intau mita in Ruben bo Gad, bo moyompat kon butá monia.