SAMUEL 1 25:31 - Alkitab Singog In Mongondow Masa In Tanaa

³¹ Kon dodaidon intua kotoropandon i Tuangku kon ki Tuangku in diábí noḻimod takin diá in kinodoyonannea andeka mobaḻídon hakim dá ki Tuang in dika bidon mokuyang in gina andeka momanasaḷ. Bo aka ki Tuhan in momarakatdon kon i Tuangku, dikadon mokoḻiong kon bobantung i Tuangku naa.”

SAMUEL 1 25:31 ပူးပေါင်းရင်းမြစ်များ

KINOBAḺIAN 40:14

Táe kotoropaipa in akuoi aka iko motompiadon in kobobiagmu. Tuḷungai bo pogumandon kon i datu onu inta nobaḻí tanaa, sinbá akuoi poḷuaiondon kon ponjara tanaa.

SAMUEL 2 22:48

Pinopountung-Nea in akuoi nongkon musungku, bangusa mita pinotungkud-Nea kon tayowonku,

MAZMUR 94:1

O Allah, Ikobí in ki Allah inta motuḻí, poontongdon in tontuḻí-Mu, o Tuhan.

LUKAS 23:42

Nosingog mako natua, sia in noguman kon i Yesus, “Yesus, toropdon in akuoi aka iko in mamangoidon saḷaku Datu!”

SURAT I PAULUS KON JAMAAT RUM 12:19

Utatku mita inta kinotabiku, donaai in moiko motagú kon sakí in gina bo monomayá monuḻí, pomayádon mako bain ki Allah in motuḻí. Sin kon bonu in Buk Motusi ain pinais nanaa: “Akuoibí in motuḻí. Hukumon-Kubí in sia, guman i Tuhan.”

SURAT I PAULUS KON JAMAAT RUM 14:21

Maníka dikadon mokaan kon ponoyá ande monginum kon anggur, ande mogaid kon onukabí inta mokopopisí kon i utatmu tumpaḷa Keresten tua, mogaid kon mokobaradosa.

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

SAMUEL 1 24:15

Taridiaidon in akuoi naa inta ḻimodon i datu in Israel! Indoiaidon in akuoi naa inta aḷo-aḷowannea mako! Akuoi inta tongábí ná ungkú tobatú inta minatoi, tongábí ná kutu tobatú.

SAMUEL 1 25:30

Ki Tuhan in mopoaidbí in bayongan in kopiaan inta pinodandi-Nea kon i Tuangku, bo diádon moonggot in ki Tuangku baḻíon-Nea datu kon Israel.

SAMUEL 1 25:33

Dinayo-dayowdon in kabijaksanaanmu bo dinayo-dayowdon in iko tontaní sin ain nogimaḷow kon inakó moḻimod bo mobaḻídon hakim tontaní.

SAMUEL 1 25:40

Dá noyaputdon in totabá i Daud kon bobay tatua kon Karmel bo noguman kon inia, “Kami naa in pinotabá i Daud mamangoi mogamá kon inimu, sin baḻíonneadon ki buḷoinea in iko.”

SAMUEL 1 26:23

Ki Tuhan in momarakat kon bayongan in intau inta mosatia bo motuḻid in gina. Sin umpakabí singgai naa ki Tuhan ain noposarakan kon i Tuangku kon bobantung naa, táe bobantung naa in doíbí momia kon inta moraat kon i Tuang datu, datu inta piniḻí i Tuhan.