Tuamai in popoangoi-Kubí in bodito kon motoḷuadímu. Bayongan in buímu inta ḷoḷaki, onukabí in iḻitúannea yo ḻimodon-Kubí. Yopúon-Kubí in motoḷuadímu, notongkai ná intau nongait kon yoyatan kinodarit.
Naonda in ki Zimri nobaḻí datu, iḻimodnea in bayongan motoḷuadí i Datu Baesa. Nodapot in bayongan ginaḷum i Baesa inta ḷoḷaki takin yobayatnea mita bo motoḷuadí monia diábí doman tobatúmai in kinotaḻiban.
dá naa in pinoguman i Tuhan kon i Tuang, ‘Akuoi in mopoangoibí in bodito kon inimu. Iko in pogambat-Kudon bo bayongan in intau ḷoḷaki kon motoḷuadímu, noguyang andeka mobagupa, in yopúon-Kubí.
Kon ondakabí in kopatoian i Iná, yo kon tua doman in kopatoianku bo poḷobongan kon inakó. Igumon mako ki Tuhan mohukum kon inakó kobogaton totok, aka akuoi moibog moyoguat i Iná, koḻikudbí in popatoi in mopoyoguat kon i naton!”
Aka sia moniat mopogutú kon inimu, yo notantúbí doman kon potaaukubí doman kon inimu sinbá mokoḷagui in iko. Igumon mako ki Tuhan moḻimod kon inakó aka tua bo diá pomiaanku. Poigumon mako ki Tuhan motuḷung kon inimu ná doman pinototuḷung-Nea kon i amáku koḻipod!