SAMUEL 1 25:2 - Alkitab Singog In Mongondow Masa In Tanaa

^2-3 Kon kotá in Maon oyúon in ḷoḷaki tobatú nongkon inanakan i Kaleb, tangoinea in ki Nabal. Sia tua in kobutá ponombobiagon kon diug in kotá in Karmel. Sia tua in nobiag nooyúon totok bo kodomba 3.000 bo bembé 1.000. Ki Abigail ki buḷoinea, mopandoi bo moḷunat, táe ki Nabal in mokaḷakuang bo moromú in dodianea. Kon singgai tobatú ki Nabal koyogot in monggonsingmai kon bubuḷ in dombanea kon Karmel.

SAMUEL 1 25:2 ပူးပေါင်းရင်းမြစ်များ

KINOBAḺIAN 13:2

Ki Abram in nobiag nooyúon totok; kon inia noantó in domba, bembé, sapi, saḷaka bo buḷawan.

KINOBAḺIAN 26:13

Kapunyaannea in kodugang-kodugangdon bo sia in nobaḻídon intau inta totok in nooyúon.

KINOBAḺIAN 31:19

Kon dodai intua ki Laban kon tampat ponggonsingan kon bubuḷ in domba, koyogot doman monggonsing kon bubuḷ in dombanea mita, bo kon dodai intuata ki Rahel nonakow kon patong kapunyaan i amánea.

KINOBAḺIAN 38:13

Ki Tamar nokouḻí kon habar kon ki Yohuda ki nunutonnea tua mamangoi in Timna sin monggonsing kon bubuḷ in dombanea mita

SAMUEL 2 19:32

Ki Barzilai in nogoguyangdon totok, umurnea in waḷudon nopuḷú notaong. Sia in nobiag nooyúon totok bo kon dodai in ki datu nogutun kon Mahanaim koḻipod, ki Barzilai naa inta nopooyúon in kaanon i datu.

AYUB 1:3

Koḻikud intua nobayong doman in atanea, dombanea in 7.000, unta in 3.000, sapi in 1.000, bo keledai in 500. Impoḷok mako in singog, sia tua in intau inta totok in nooyúon kon sigad in intau inta nogutun kon butá kon dotá in pomukaan.

AYUB 42:12

Ki Ayub in binarakatan i Tuhan kino bayong totok kon ki agat in kinobiagannea, nongkon inta dungkuḷ kon dodai in sia diápa kinoantugan in bodito. Ki Ayub in kodomba bembé 14.000, unta 6.000, sapi 2.000, bo keledai 1.000.

MAZMUR 17:14

Poḷuatdon in akuoi nongkon intau mita inta nosipun kon kapunyaan kon dunia. Hukumdon in mosia in bodito inta ain sinadia-Mu kon i monia. Pomayádon mako in ki adí bo ki ompu monia hukumon doman.

AMSAL 30:22

bobantung tobatú inta nobaḻí datu, intau bodok tobatú inta nokouḻí kon bayongan inta kinoibognea,

YOSUA 15:55

Bo mopuḷú doman in kotá noiduduimai noitakin doman in ḻipú mita kon diugnea: Maon, Karmel, Zip, Yuta, Yizreel, Yokdeam, Zanoah, Kain, Gibea bo Timna.

SAMUEL 1 15:12

Nobangon monik doḷo-doḷom, ki Samuel nobuat sin mayá mokipodungkuḷ kon i Saul. Pinotaaudon kon inia kon ki Saul ain minayá kon kotá in Karmel sin moposindog in batu mobaḻí tompoingat kon inia kon tua, bodongka mayá in Gilgal.

SAMUEL 1 23:24

Dá nobuatdon bui in intau mita tatua kon Zip inumuna kon i Saul. Kon dodai intua ki Daud bo intaunea mita in kon padang gurun Maon, kon ḷopá inta noingongow kon butá kon dotá in toḷatan kon padang gurun Yohuda.