SAMUEL 1 25:18 - Alkitab Singog In Mongondow Masa In Tanaa

¹⁸ Bo ḷagidon in ki Abigail nogamá kon roti doyowa nogatut, bo anggur doyowa nobotutu kuḻit, domba inangag ḻima, gandum inangag mopuḷú bo pitu nokilo, bungai in anggur inta ain nobaḻí kukis mogatut, bo kukis ara doyowa nogatut. Bayongan intua dinatognea kon keledainea mita.

SAMUEL 1 25:18 ပူးပေါင်းရင်းမြစ်များ

SAMUEL 2 16:1

Naonda in ki Daud bagupa noitaḻib kon tudu in buḷud, daḻídon noiangoi in ki Ziba ata i Mepiboset, namangoi nokipodungkuḷ kon inia kodia-dia in keledai doyowa inta dinatogan in roti doyowa nogatut nobatú, mogatut in kukis kismis, mogatut nobogot in bungai in ayop inta bagupa sinipú bo tobotutu in tubig in anggur.

TAWARIKH 1 12:40

Nongkon suku mita inta kon dotá in utuan inta moyayú tuata inta nongkon suku in Isakhar, Zebulon bo Naptali, in moroangoi takin sinumakoi kon keledai, unta, bagal, bo sapi inta nopuḻing in bahan kokaanon: topong, bungai in ara, kismis, anggur bo ḷana in zaitun. Mosia in nodia doman kon sapi bo domba sin ratáan bo kaanon. Bayongan in intua noponiata kon totuu mosanang in rayat kon bayongan in Israel.

AMSAL 18:16

Tombuinag momukat kon daḷan bo mogatod kon intau mayá kon intau mita moḷoben.

AMSAL 21:14

Sinbá moonow in torú bo napusu, yo uni-unidon mako bo ogoiai in tombuinag.

AMSAL 31:12

Sia in diábí kon dodai onda in mogaid kon inta moraat kon i buḷoinea; kinoouputbí in kobiagannea sia in momia kon inta mopia kon inia.

MATIUS 5:25

Aka iko bo koyota-yotakin in saturumu, yo ḷagidon poramuji moyobayat kon dodai in kon daḷanpa, sinbá diá posarakannea in iko kon hakim, bo hakim tatua moposarakan kon moḷoḷukad kon ponjara, bodongka bonuon monia kon ponjara in iko.

SAMUEL 1 17:17

Kon singgai tobatú ki Isai in noguman kon i Daud, “Pogamádon kon gandum inangag mopuḷú nokilo bo roti inta mopuḷú nobatú tanaa, bo diá kon i guya-guyangmu mita inta kon pinononḷoḷaigan in tontara.

SAMUEL 1 25:17

Manangka intua, raidon kopia in soaḷ tanaa, bo tantúdon onu inta motaau pomiaan i Iná. Sin notantú bidon kon moiangoibí in tontuḻí kon i tuang naton bo kon bayongan in motoḷuadínea. Ki Tuang naton in totuu motontogat in gina modapot in sia diá motaau anutan mongonguman!”

SAMUEL 1 25:34

Ki Tuhan ain nogimaḷow kon inakó mogaid kon inta moraat kon inimu. Podoyon kon i Tuhan, Allah in Israel inta nobiag, aka kuma bo iko diá ḷagi nokipodungkuḷ kon inakó, yo notantú bidon kon bayongan in intau i Nabal nodait bidon minatoi kon dodai in mata in singgai diápa nomuká!”