SAMUEL 1 25:12 - Alkitab Singog In Mongondow Masa In Tanaa

¹² Dá intau mita i Daud tatua minayádon bui kon i Daud bo nopotaau in tosingogon mita i Nabal tatua.

SAMUEL 1 25:12 ပူးပေါင်းရင်းမြစ်များ

SAMUEL 2 24:13

namangoi in ki Gat kon tayowonnea bo nopotaau kon inia in parenta i Tuhan tatua, kainia, “Onda in piḻíon i Tuang datu: Butá tanaa koantugan in malarat diá in kaanon kon bonu in toḷu notaong, andeka ki Tuang datu in moḷagui sin aḷo-aḷowan mako in musung kon bonu in toḷu nobuḷan, andeka butá tanaa tubuon in takit kon bonu in toḷu nosinggai? Tantúdon kon tanaa mako onu inta mustiku potaau kon i Tuhan.”

IBRANI 13:17

Duduiaibí onu in pinarenta in itoi mita monimu bo kodu-kodudui doman kon i monia. Sin mosia in umuran monarukira mako kon kobiaganmu bo mustibí in mosia motanggung jawab kon i Allah. Aka moiko bo motoindudui kon i monia, dá mosanangbí in gina monia in mogaid, táe aka diá yo monakit in gina monia in mogaid, bo tua in diábí mobogoi in kauntungan kon i monimu.

SAMUEL 1 25:11

Umpaka yo mogamá in akuoi kon roti bo tubig inumonku, takin ponoyá inta ain sinadiaku kon intauku mita inta mongonggonsing, bodongka ogoi kon intau mita inta diá nosilangmai mongo nongkon onda mita!”

SAMUEL 1 25:13

“Pogigabitdon komintan!” parenta i Daud. Dá ḷagidon dinuduian in intaunea mita in singog i Daud tatua. Ki Daud in nogigabit domandon bo nobuat takin degá opatmai nogatut in intau, bo intau doyowa nogatut in sinaḷáan sin moḷukad kon pakakat mita.