SAMUEL 1 24:7 - Alkitab Singog In Mongondow Masa In Tanaa

⁷ Noguman in sia kon intaunea, “Poigumon mako ki Tuhan in moḷukad sinbá diá in akuoi modapot in momia kon moraat kon i datuku inta ain piniḻí i Tuhan. Topiḻikmai diábí motaau in akuoi mopororiga kon inia, sin sia in datu inta piniḻí i Tuhan!”

SAMUEL 1 24:7 ပူးပေါင်းရင်းမြစ်များ

SAMUEL 2 1:14

Guman i Daud, “Mokobaḻíbí totok in iko in moḻimod kon datu inta piniḻí i Tuhan!”

MAZMUR 7:4

O Tuhan Allahku, aka kuma bo akuoi nonombogá, nogaid kon inta moraat kon yobayat, andeka nokoporugimai kon musung takin diá in kinodoyonannea, aka kuma bo inaidanku in natua,

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

SAMUEL 1 12:3

Tanaa in akuoi sinimindogdon kon tayowon monimu! Aka akuoi in nogaidon kon taḷá, yo potaaudon kon tayowon i Tuhan bo kon tayowon i datu inta piniḻí-Nea. Degá nokoimontandon in akuoi nogamá kon sapi andeka keledai in intau ibanea? Degá nokoimontandon in akuoi nonguboḷ andeka noposikisa andeka notarima kon doit poguboḻi kon taḷá? Pogumandon, sinbá onukabí inta ain ginamáku yo pobuionkudon bui.”

SAMUEL 1 24:6

Táe nopaḷut mako, ki Daud nokorasa noitaḷádon sin ain nomia kon tua.

SAMUEL 1 24:8

Natuata in pinononggina i Daud kon intaunea mita, bo diá inogoinea in mosia nonubu kon i Saul. Ki Saul in nonaḷámaidon kon angob tatua, bo nongingguputdon kon bobayáannea.

SAMUEL 1 25:33

Dinayo-dayowdon in kabijaksanaanmu bo dinayo-dayowdon in iko tontaní sin ain nogimaḷow kon inakó moḻimod bo mobaḻídon hakim tontaní.

SAMUEL 1 26:23

Ki Tuhan in momarakat kon bayongan in intau inta mosatia bo motuḻid in gina. Sin umpakabí singgai naa ki Tuhan ain noposarakan kon i Tuangku kon bobantung naa, táe bobantung naa in doíbí momia kon inta moraat kon i Tuang datu, datu inta piniḻí i Tuhan.

SAMUEL 1 26:9

Táe ki Daud in noguman, “Dikabí onuonmu in sia! Sinantú bidon i Tuhan kon hukumon-Neabí in intau inta mogaid kon moraat kon datu inta ain piniḻí-Nea.