SAMUEL 1 24:5 - Alkitab Singog In Mongondow Masa In Tanaa

⁵ Bo intau i Daud in nogumandon kon inia, “Naadon in kasampatan i Amá! Sin ki Tuhan aindon noguman kon i Amá nanaa, ‘Musungmu in posarakan-Kubí kon inimu, poaidon kon inia kinooibogmubí!’ ” Onda intua ki Daud inumadop bo minayá in tampat i Saul bo poḷat nomongkó kon topiḻikmai in bingkí in jubah i Saul.

SAMUEL 1 24:5 ပူးပေါင်းရင်းမြစ်များ

SAMUEL 2 12:9

Nongonu sin iko in diábí noindoimai kon parenta-Ku mita? Nongonu sin inaidanmubí in moraat ná tatua? Ki Uria in pinoki ḻimodmubí kon bonu in parang; pinomayámudon mako in sia iḻimod in intau in Amon, bo ginamámu in ki buḷoinea!

SAMUEL 2 24:10

Táe naonda in ki Daud nopaḷut nokiiap in bangusa tatua, irainea kon noitaḷádon in sia, bo sia noguman kon i Tuhan, “Oo Tuhan, binaradosadon totok in akuoi! Apungaidon in akuoi, sin aidku tatua in totokdon in nobodok.”

DATU MITA 2 22:19

nomanasaḷ in iko bo inumompá kon tayowon-Ku. Ginogondok-Kudon kon mohukum kon Yerusalem bo intaunea mita. Aidan-Ku kon kotá tatua in oontongon inta mokoondok, bo tangoi in Yerusalem in baḻíon-Ku tangoi kutukon. Táe naonda in kinodongoganmu in gogondok-Ku tatua, nongombaḷ in iko bo nomerak kon ḷambungmu nobaḻí tomponuot kon morobonoḷ in ginamu. Dinongog-Kudon in sambayangmu,

MAZMUR 59:11

Popisí in kopopia-Nea ki Allahku in namangoi kon inakó, Pinomayá-Nea mako in akuoi nokoontong kon musungku sinaḷow.

SAMUEL 1 26:8

Bo noguman in ki Abisai kon i Daud, “Ki Allah in noposarakan in musungmu kon inimu in doḷom naa. Ogoidon in akuoi mopopakú in pandongnea tontaní kon awaknea poḷambaion in butá, ḻimodonku in sia takin tongá komintan tumbukon, dikadon dapot in kodua!”