SAMUEL 1 24:19 - Alkitab Singog In Mongondow Masa In Tanaa

¹⁹ Aidku kon inimu inta moraat ain sinuḻíanmu in aid mopia. Kon singgai naa in pinoniatamudon kon mopiabí in makusudmu kon inakó, sin diábí iḻimodmu in akuoi, umpaka pinosarakandon i Tuhan in akuoi kon inimu.

SAMUEL 1 24:19 ပူးပေါင်းရင်းမြစ်များ

MAZMUR 18:20

Sia in nopoḷuat kon inakó nongkon anib bo noposaḷamat kon inakó popisí in kinoibog-Nea in akuoi.

HAKIM MITA 17:2

Kon singgai tobatú sia in noguman kon i inánea, “Iná, kon tungkuḷ in ki iná kinobuḻian in toribu bo mogatut in doit saḷaka, dinongogku ki iná in nogodi-godimai kon intau inta nonakow. Naa, Iná, in doit tatua! Akuoibí in nonakow.” Ki inánea notubag, “Igumon mako iko in barakatan i Tuhan, adíku!”

RUT 2:12

Poigumon mako ki Tuhan in mobogoi in tontuḻí kon bayongan in aidmu inta mopia. Poigumon mako iko in motarima kon onu inta patus ogoi i Tuhan, Allah in Israel kon inimu, sin iko ain namangoi mokiḷukad kon i-Nia!”

SAMUEL 1 23:17

Guman i Yonatan kon inia, “Dika moondok, iko in diábí kokawasaan i amáku. Kinotaauanneabí totok kon ikobí in mobaḻí datu in Israel bo akuoi in mokouḻíbí kon oaidan kon ḻimonaganmu.”

SAMUEL 1 23:21

Ki Saul in notubag, “Poigumon mako iko barakatan i Tuhan sin ain nomia kon mopia kon inakó!

SAMUEL 1 26:23

Ki Tuhan in momarakat kon bayongan in intau inta mosatia bo motuḻid in gina. Sin umpakabí singgai naa ki Tuhan ain noposarakan kon i Tuangku kon bobantung naa, táe bobantung naa in doíbí momia kon inta moraat kon i Tuang datu, datu inta piniḻí i Tuhan.

SAMUEL 1 26:25

Bo ki Saul in nogumandon kon i Daud, “Ki Tuhan in momarakat kon inimu, adíku! Kodapotanmubí in bayongan oaidanmu!” Bo ki Daud in nongingguputdon kon bobayáannea, bo ki Saul in nobuidon kon baḷoinea.