SAMUEL 1 24:18 - Alkitab Singog In Mongondow Masa In Tanaa

¹⁸ Bo noguman in sia kon i Daud, “Iko in noitutui, bo akuoi in noitaḷá.

SAMUEL 1 24:18 ပူးပေါင်းရင်းမြစ်များ

KINOBAḺIAN 38:26

Kinotaauan i Yohuda in barang mita tatua bo sia in noguman, “Bobay tatua diábí kotaḷá. Diádon inaidanku in onu inta patus aidanku kon inia; sabanarnea sia in mustibí popobuḷoiku kon i adíku ki Syela.” Bo ki Yohuda diá bidon dodai onda nosiug takin bobay tatua.

MAZMUR 31:8

Mopiabí in ginaku bo moḷunganga sin Iko in umuran motabi kon inakó. Iko in noindoi kon rorigaku bo nonondudutmai kon susahku.

AMSAL 25:22

Aidmu natua mokopooyámai kon inia bo barakatan i Tuhan in iko.

SAMUEL 1 23:7

Naonda in pinotaau kon i Saul kon ki Daud in kon Kehila, ki Saul in norai nanaa, “Ki Daud in inogoidon i Allah kon inakó. Noituotdon in sia kon poyogaḷap sin sinumuotdon kon bonu in kotá inta dininding bo sinon ngara moḷoben.”

SAMUEL 1 24:10

Nobobui in ki Saul ná tumi bo sinumungkud in ki Daud takin horomat bodongka noguman, “Nongonu sin ki Tuang Datu in mokidongogbí kon singog in intau inta noguman kon akuoi in moibog mopobodito kon i Tuang Datu?

SAMUEL 1 24:19

Aidku kon inimu inta moraat ain sinuḻíanmu in aid mopia. Kon singgai naa in pinoniatamudon kon mopiabí in makusudmu kon inakó, sin diábí iḻimodmu in akuoi, umpaka pinosarakandon i Tuhan in akuoi kon inimu.

SAMUEL 1 26:23

Ki Tuhan in momarakat kon bayongan in intau inta mosatia bo motuḻid in gina. Sin umpakabí singgai naa ki Tuhan ain noposarakan kon i Tuangku kon bobantung naa, táe bobantung naa in doíbí momia kon inta moraat kon i Tuang datu, datu inta piniḻí i Tuhan.

SAMUEL 1 26:8

Bo noguman in ki Abisai kon i Daud, “Ki Allah in noposarakan in musungmu kon inimu in doḷom naa. Ogoidon in akuoi mopopakú in pandongnea tontaní kon awaknea poḷambaion in butá, ḻimodonku in sia takin tongá komintan tumbukon, dikadon dapot in kodua!”