SAMUEL 1 24:17 - Alkitab Singog In Mongondow Masa In Tanaa

¹⁷ Naonda in nopaḷut mako in ki Daud nosingog kon tosingogon mita tatua, ki Saul nogumandon, “Ikobí degá in nion, ei Daud, adíku?” Bo nongombaḷdon in sia.

SAMUEL 1 24:17 ပူးပေါင်းရင်းမြစ်များ

KINOBAḺIAN 38:26

Kinotaauan i Yohuda in barang mita tatua bo sia in noguman, “Bobay tatua diábí kotaḷá. Diádon inaidanku in onu inta patus aidanku kon inia; sabanarnea sia in mustibí popobuḷoiku kon i adíku ki Syela.” Bo ki Yohuda diá bidon dodai onda nosiug takin bobay tatua.

MAZMUR 37:6

Poniata-Neabí in kototoinduduimu naonda bo bayag, bo kototuḻid in ginamu naonda bo singgai.

IḶUAIAN 9:27

Bo datu in nogoiní kon i Musa bo kon i Harun, bo noguman, “Akuoi ain nogaid kon dosa. Ki Tuhanbí in nobanar, akuoi bo rayatku ain nogaid kon noitaḷá.

MATIUS 27:4

Bo noguman, “Binaradosadon in akuoi sin noposarakan in dugú in intau inta diá kotaḷá!” Táe mosia notubag, “Deemanbí urusan nami intua? Tua in urusanmubí tontaní!”

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

SAMUEL 1 26:17

Kinotaauan i Saul in singog i Daud bo noguman in sia, “Daud, iko degá in nion, Adíku?” Tubag i Daud, “Oo, Tuang datu.”

SAMUEL 1 26:21

Bo ki Saul in notubag, “Akuoi ain nogaid kon noitaḷá. Pobuidon Daud, Adíku! Akuoi in diá bidon bui mogaid kon inta moraat kon inimu sin inogoimudon in akuoi nobiagpa in kogobíi. Dodiaku tua in nopompuḷongdon totok. Akuoi in totu-totuudon kon ain notoboḻingo!”