SAMUEL 1 23:9 - Alkitab Singog In Mongondow Masa In Tanaa

⁹ Táe ain kinotaauan i Daud kon ki Saul in koniatdon moraat kon inia. Tuamai in noguman in sia kon i Imang Abyatar, “Diadon mangoi in epod tatua.”

SAMUEL 1 23:9 ပူးပေါင်းရင်းမြစ်များ

DATU MITA IMITÁNEA 2:26

Noiduduimai kon tua ki Datu Salomo in noguman kon i Imang Abyatar, “Bayádon kon ḻipúmu kon Anatot. Iko nion in patusbí hukumon matoi, táe singgai in naa akuoi in diábí moḻimod kon inimu, sin kon dodai in iko noyotakinpa i amáku, iko in noitakin nobaba kon bayongan in roriganea. Bo iko doman in nonompiamai kon Poti Dodandian i Tuhan.”

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

HOSEA 3:4

Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

PINOGIAPAN 27:21

Ki Yosua in musti mopoigum in totundú i Imang Eleazar, bo ki Eleazar in musti moḻibó kon onu in koibog-Ku takin mopomaké in Urim bo Tumim. Natua in pododia i Eleazar kon i Yosua bo bayongan bangusa Israel kon bonu in bayongan pelekara inta kobayáan monia.”

OUMAN IN RASUL MITA 14:6

Táe kinotaauan i Paulus bo i Barnabas in tomayá monia tatua, dá minayá in taya dua bo sinimí kon Listra bo Derbe.

OUMAN IN RASUL MITA 9:24

Táe makusud monia tatua kinotaauan i Saulus. Doḷom bo singgai mosia in mogoḷat mako kon ngara in kotá tatua, sin moḻimod kon inia.

SAMUEL 1 10:22

Tuamai noḻibó in intau mita kon i Tuhan, “Oo Tuhan, degá intau tatua kon naadon?” Tubag i Tuhan, “Ki Saul nogadop kon tumimai in barang mita touḷut.”

SAMUEL 1 14:18

“Podiadon kon epod tatua mangoi,” guman i Saul kon i Imang Ahia. (Kon singgai tua ki Ahia in nodia kon epod tatua kon tayowon intau in Israel.)

SAMUEL 1 22:20

Tongá ki Abyatar, intau tobatú nongkon i adí mita i Ahimelek in nokoḷagui. Sia in noḷagui minayá kon i Daud,

SAMUEL 1 23:10

Bo nosambayangdon in ki Daud, “Tuhan, Allah in Israel, kinodongoganku kon Saul in moniat mamangoi in Kehila bo morimumud kon kotá tatua popisí in akuoi, mogogundoi-Mu.

SAMUEL 1 23:6

Naonda in ki Abyatar ki adí i Ahimelek noḷagui minayá kon i Daud, bo dinumudui kon i Daud minayá in Kehila, sia in nodia doman kon epod.

SAMUEL 1 23:8

Bo ki Saul in nopotabádon in bayongan tontaranea bo nobuat minayá in Kehila sin mongopung kon i Daud takin bayongan intaunea.

SAMUEL 1 30:7

Bo ki Daud in noguman kon i Imang Abyatar adí i Ahimelek, “Diadon mangoi in epod tatua!” Dá dinia i Abyatar in epod tatua kon inia.