SAMUEL 1 23:5 - Alkitab Singog In Mongondow Masa In Tanaa

⁵ Dá minayádon in ki Daud takin intaunea kon Kehila bo sinubunea poḷat iḻimodnea in nobayong intau in Pilistin, bo inagownea in bobiagon monia. Natuata in pinoḷoḷuat in Daud kon intau kon kotá tatua.

SAMUEL 1 23:5 ပူးပေါင်းရင်းမြစ်များ

SAMUEL 2 22:40

Inogoian-Mu in akuoi in ropot sin moparang, bo kauntungan kon musungku mita.

MAZMUR 18:38

Dinuduranku in musungku bo sinaḷowku in mosia, bo diábí umundok modapot in mosia moyopú.

MAZMUR 38:20

Intau mita inta nosaturu kon inakó in nobayong bo moropot, mosia in doí kon kobobiagku.

SAMUEL 1 19:8

Onda intua nobaḻídon bui in parang takin intau in Pilistin. Ki Daud nonubu bo poḷat nonaḷow totu-totuu kon i monia, nodapot in mosia noḷagui.

SAMUEL 1 23:4

Manangka intua komintanpa doman in ki Daud minayá nopoigum in totundú nongkon i Tuhan, bo ki Tuhan in notubag, “Dika moḻia-ḻiaw in gina. Tubudon in kotá tatua ogoi-Kubí kon inimu.”

SAMUEL 1 23:6

Naonda in ki Abyatar ki adí i Ahimelek noḷagui minayá kon i Daud, bo dinumudui kon i Daud minayá in Kehila, sia in nodia doman kon epod.