SAMUEL 1 23:27 - Alkitab Singog In Mongondow Masa In Tanaa

²⁷ Táe daḻídon noiangoi in totabá tobatú kon i Saul bo noguman, “Ki Tuang datu in musti ḷagi mobui! Intau mita in Pilistin ain nonubu kon butá naton!”

SAMUEL 1 23:27 ပူးပေါင်းရင်းမြစ်များ

KINOBAḺIAN 22:14

Tampat tatua sinangoian i Abraham “Ki Tuhan noposadia onu inta paraḷu”. Bo dapot in masai naa intau moguman “Kon tudu in buḷud-Nea ki Tuhan moposadia kon onu inta paraḷuon”.

DATU MITA 2 19:9

Ki datu in Asyur in notarimadon kon habar kon tontara in Mesir inta kon bonu in tongganut i Tirhaka datu in Sudan taya-tayamangoidon sin monubu kon i monia. Tuamai, ki datu in Asyur nokidiadon in surat kon i Hizkia datu in Yohuda.

TAWARIKH 1 14:13

Diá noonggot kon tua intau in Pilistin namangoi bo nogagow bui kon Ḷopá in Repaim.

MAZMUR 116:3

Akuoi in inindoyó in anib in popatoi; popatoi inta mokoondok ain nodomok kon inakó, dá akuoi in inangoian in ḻia-ḻiaw in gina bo moondok.

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

WAHYU 12:16

Táe bobay tatua sinuḷungan in butá, binuká in butá tatua in bibignea bo noḻiom kon tubig inta iḷumuai nongkon bibig in naga tatua.

SAMUEL 1 23:26

Ki Saul bo tontaranea in minayá nongin bingkí in buḷud toḷosi bokaka tai Daud takin intaunea mita in kon bingkí kon dotá intua. Ki Daud iḻimikat in noḷagui kon i Saul inta nomangkoidon nongopung sin modomok kon i monia.

SAMUEL 1 23:28

Dá nogogaidon in ki Saul in nogaḷow kon i Daud, bo minayá noparang takin intau in Pilistin. Tuamai in tampat tatua sinangoian Buḷud Pinoguatan.

SAMUEL 1 27:10

Aka ki Akhis moḻibó kon inia, “Kon onda in bayáanmu ponubuan in tanaa?” Dá ki Daud in moguman kon inia kon sia in minayádon kon dotá in toḷatan in Yohuda andeka kon butá in intau in Yerahmeel andeka butá pinogutunan in intau in Keni.