SAMUEL 1 23:26 - Alkitab Singog In Mongondow Masa In Tanaa

²⁶ Ki Saul bo tontaranea in minayá nongin bingkí in buḷud toḷosi bokaka tai Daud takin intaunea mita in kon bingkí kon dotá intua. Ki Daud iḻimikat in noḷagui kon i Saul inta nomangkoidon nongopung sin modomok kon i monia.

SAMUEL 1 23:26 ပူးပေါင်းရင်းမြစ်များ

SAMUEL 2 15:14

Bo noguman in ki Daud kon bayongan in pogawainea inta kon Yerusalem, “Koḻigai in kita mayádon nongkon naa. Tongádon naa in daya sinbá mosaḷamat in kita nongkon i Absalom. Diádon moonggot bo mamangoi in sia. Koḻikatdon, sinbá diá kobatukannea in kita bo taḷowonnea, dá bayongan in intau kon kotá in ḻimodon!”

TAWARIKH 2 20:12

Ikobí in ki Allah nami! Hukumdon in mosia, sin kami in diádon mokopongonu in monayow kon tontara inta mobayong tatua, inta monubu kon inami. Diábí kotaauan nami mongo onupa in pomiaan nami, tuamai in mamangoi in kami kon ini-Mu mokituḷung.”

MAZMUR 17:11

Mosia in mamangoi monayow kon inakó bo moḻipung kon inakó, moḷongasi mopomobak kon inakó.

MAZMUR 17:9

nongkon ponubuan in intau moraat. Akuoi in kinopung in musung inta moibog moḻimod kon inakó;

MAZMUR 22:12

Dikabí yumayú, sin anib in nodiugdon, bo diá in motuḷung.

MAZMUR 22:16

Sigoḷokku noingkag naonda bo rumog in posilag, diláku notorondódon. Tuhan, sinaḷáan-Mu in akuoi kon tudu in ḷobud nádon onda bo intau inta ain minatoi.

MAZMUR 31:22

Dinayo-dayowdon in ki Tuhan! Totuu mokoherang in tabi-Nea kon inakó, kon tungkuḷ in akuoi kinopung bo sinubu.

KORINTUS 2 1:8

Utat mita! Ibogon nami in bá kotaauan doman monimu naonda in yoyiga inta kinorasaan nami wakutu in kon Asia. Mobogat totok in yoyiga noiantug kon inami kon tua, sahingga in diá bidon pinononggina mako nami kon mobiagpa in kami;

WAHYU 20:9

Dá mosia irumangkap kon bayongan in dunia bodongka nongopung kon ḷoḷaigan in umat i Allah bo kon kotá inta kinotabi i Allah. Táe tuḷu in noponag nongkon ḷangit bo nomokak kon i monia.

HAKIM MITA 16:2

Bo kinodongogandon in intau mita inta nogutun kon Gaza kon ki Simson in kon tua. Dá, binayádon iḻipung monia in tampat tatua bo iḷukadan monia in tonggobii tua kon ngara in kotá. Táe mosia in diábí nomia kon onu bo onu in doḷom tua sin mosia in norai, “Bain momuká in mata in singgai bo ḻimodon naton in sia.”

SAMUEL 1 19:12

Bo pinopoponagdon i Mikhal in ki Daud nongkon jandela, bo ki Daud noḷagui dá nosaḷamatdon in sia.

SAMUEL 1 20:38

Koḷamemetpa topiḻik, dika tumongaw!” Adí tatua in nopuyut kon piot tatua bodongka nobui kon i tuangnea.

SAMUEL 1 23:25

Ki Saul takin tontaranea in namangoi sin motayak kon i Daud, táe oyúon in intau in nopotaau kon i Daud in soaḷ tatua, dá minayá in sia ná buḷud batu kon padang gurun Maon bo nogutun kon tua. Naonda in kinotaauan i Saul intua, ḷagineadon binatuk in ki Daud.

SAMUEL 1 23:27

Táe daḻídon noiangoi in totabá tobatú kon i Saul bo noguman, “Ki Tuang datu in musti ḷagi mobui! Intau mita in Pilistin ain nonubu kon butá naton!”