SAMUEL 1 23:21 - Alkitab Singog In Mongondow Masa In Tanaa

²¹ Ki Saul in notubag, “Poigumon mako iko barakatan i Tuhan sin ain nomia kon mopia kon inakó!

SAMUEL 1 23:21 ပူးပေါင်းရင်းမြစ်များ

KINOBAḺIAN 20:13

Dá tungkuḷ in ki Allah nopotabá kon inakó nonaḷámai kon baḷoi i amáku bo minaya-mayá mako kon butá mita inta diá kinotaauanku, akuoi in nogumandon kon i buḷoiku, ‘Poniatadon in kotoinduduimu kon inakó takin mopotaau kon bayongan intau kon akuoi naa in ki guya-guyangmubí.’ ”

SAMUEL 2 2:5

nopotabá in sia in totabánea minayá takin koyow, “Poigumon mako ki Tuhan momarakat kon i monimu, sin moiko in noponiatadon in kotoinduduimu kon i datumu sin noḷobong kon awaknea.

MAZMUR 10:3

Intau moraat mongambungangaḷ kon onu in koibognea inta moraat, intau motamaa mongutuk bo mondoí kon i Tuhan.

YESAYA 66:5

Indongogaidon onu in pinoguman i Tuhan, ei moiko inta moondok bo motoindudui kon i-Nia, “sin moiko in motoindudui kon i-Nakó, oyúon in kon sigad in bangusamu inta morongó kon i monimu, bo doí moyobayat monimu. Mosia in mopoyagi-yagimai kon i monimu pongin moguman, ‘Pomayádon mako in ki Tuhan mopoontong in kamuliaan-Nea, sinbá kami in mokoontong kon ḷunganga in ginamu.’ Táe mosiadon tontaní in bui mooyá.

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”

HAKIM MITA 17:2

Kon singgai tobatú sia in noguman kon i inánea, “Iná, kon tungkuḷ in ki iná kinobuḻian in toribu bo mogatut in doit saḷaka, dinongogku ki iná in nogodi-godimai kon intau inta nonakow. Naa, Iná, in doit tatua! Akuoibí in nonakow.” Ki inánea notubag, “Igumon mako iko in barakatan i Tuhan, adíku!”

SAMUEL 1 15:13

Naonda in ki Samuel noyodungkuḷ i Saul, ki Saul noguman kon inia, “Poigumon mako ki Tuhan momarakat kon i Amá! Akuoi ain nogaid kon onu inta pinarenta i Tuhan.”

SAMUEL 1 22:8

Tua degá in nokopopisí kon i monimu in noyopakatdon kon moḷawang kon inakó bo diá tobatúmai in nopotaau kon inakó kon ki adíku in nomihakdon kon i Daud tua? Diábí in tobatúmai in kon sigad monimu in morai kon kobiaganku andeka mopotaau kon inakó kon ki Daud, intauku tua, in kon tanaa mako in mogoḷatdon mako kon kasampatan moḻimod kon inakó, bo ná doman tua in ki Yonatan ki adíku in ain noginrigon kon raiannea!”

SAMUEL 1 23:22

Bayádon bo bui indoiai kopia; taridiai kopiraan mongo kon onda in ki Daud bo ki ine inta ain nokoontong kon inia kon tua. Dinongogku kon sia tua in mokaḻet totok.