SAMUEL 1 23:10 - Alkitab Singog In Mongondow Masa In Tanaa

¹⁰ Bo nosambayangdon in ki Daud, “Tuhan, Allah in Israel, kinodongoganku kon Saul in moniat mamangoi in Kehila bo morimumud kon kotá tatua popisí in akuoi, mogogundoi-Mu.

SAMUEL 1 23:10 ပူးပေါင်းရင်းမြစ်များ

KINOBAḺIAN 18:24

Aka kuma bo oyúonpa in ḻima nopuḷú in intau inta diá kotaḷá kon bonu in kotá tatua, yo degá bayongan kotá tatua in yopúon doman mita i Tuhan? Yo umpaka dá diádon ampungan i Tuhan in kotá tatua sinbá intau taya ḻima nopuḷú tua in mosaḷamat?

ESTER 3:6

Bo naonda in kinotaauannea kon ki Mordekhai in intau in Yahudi, nomontowdon in sia kon tosingogon kon mohukum kon i Mordekhai bo deemanbí tongá sia, táe moyopúbí kon bayongan bangusa in Yahudi kon dodatuan Persia.

AMSAL 28:15

Intau moraat inta mongawasa kon intau inta kinodaitan, naonda bo singa inta moganggor andeka beruang inta mondudur.

SAMUEL 1 22:19

Ki Saul in nomarenta doman kon moḻimod kon bayongan intau in Nob, kotá in imang tatua; ḷoḷaki bo bobay, mongoadí mita bo adí mita mointok, sapi doman, keledai bo domba, komintan iḻimod.

SAMUEL 1 23:11

Totuu degá in habar inta dinongogku tua? Tuhan, Allah in Israel, potaaupa kon inakó.” Ki Tuhan in notubag, “Oo, mamangoi in ki Saul.” Bo ki Daud in noḻibó bui, “Yo degá ogoidon in intau mita kon kotá in Kehila in akuoi takin intauku mita kon i Saul?” Dá ki Tuhan in notubag, “Oo.”

SAMUEL 1 23:8

Bo ki Saul in nopotabádon in bayongan tontaranea bo nobuat minayá in Kehila sin mongopung kon i Daud takin bayongan intaunea.

SAMUEL 1 23:9

Táe ain kinotaauan i Daud kon ki Saul in koniatdon moraat kon inia. Tuamai in noguman in sia kon i Imang Abyatar, “Diadon mangoi in epod tatua.”