SAMUEL 1 22:6 - Alkitab Singog In Mongondow Masa In Tanaa

⁶ Kon singgai tobatú ki Saul ḻimitú mako kon siungonmai in kayu tamariska kon tudu in buḷud kon Gibea; sia in nokadai mako kon pandongnea bo bayongan in porwiranea sinimindog kon ḻibunea mita. Naonda in kinotaauannea kon tampat i Daud bo intaunea in kinotaauandon,

SAMUEL 1 22:6 ပူးပေါင်းရင်းမြစ်များ

KINOBAḺIAN 21:33

Bo ki Abraham nopomuḷa in pangkoi in kayu tamariska kon Bersyeba bo nongkon dodaidon tatua tampat tatua pinakénea mosumba kon i Tuhan, Allah inta mononoi.

HAKIM MITA 4:5

Ki Debora in biasamai ḻimitú mako kon siungon in pangkoi in kurma, kon sigad in Rama bo Betel, kon buḷud in Epraim. Bo kon tuata in intau mita in Israel mamangoi mopoigum in tonggina kon inia.

SAMUEL 1 14:2

Kon dodai intua ki Saul in kon siungon in pangkoi in delima kon Migron, diá noyayú nongkon Gibea. Rayat inta dinumudui kon inia in degá 600 in kobayongnea.

SAMUEL 1 18:10

Nopoikoḷomai kon singgai ki Saul kon bonu in baḷoinea kokada-kadai in pandongnea bo daḻídon in sia kinawasaan in dimukud moraat inta pinotabá i Allah, nodapot in sia irumobut naonda bo intau nobundai. Kon dodai intua ki Daud mopogogitogmai in kecapi ná biasamai.

SAMUEL 1 19:9

Kon singgai tobatú ki Saul ḻimitú mako kon baḷoinea takin kokada-kadai in pandong bo daḻídon in ki Saul kinotoḷangan in dimukud moraat inta pinotabá i Tuhan. Kon dodai intua ki Daud mopogogitogmai in kecapinea.

SAMUEL 1 20:33

Nokodongogmai kon tua in ki Saul noponakuḷ in pandongnea kon i Yonatan sin moḻimod kon inia. Dá kinotaauandon kon totu-totuu bidon in ki Saul moḷongasi moḻimod kon i Daud.

SAMUEL 1 31:13

Bayongan in tuḷannea sinipun bo iḷobong kon siungonmai in pangkoi in tamariska kon kotá tatua. Onda intua nopuasadon in mosia pitu nosinggai in koonggotnea.