SAMUEL 1 22:2 - Alkitab Singog In Mongondow Masa In Tanaa

² Ná doman tua in intau mita inta nobiag iroriga, inta koboḻi, bo intau mita inta monakit in gina, komintan dinumugang kon i Daud, bo ki Daud in nobaḻí itoi monia. Kobayong in dumodudui i Daud in degá opatmai nogatut in intau.

SAMUEL 1 22:2 ပူးပေါင်းရင်းမြစ်များ

SAMUEL 2 17:8

Kinotaauan bidon i Tuang kon ki Daud bo intaunea mita tatua in intaubí mita inta mongotorindog bo mongobarani. Mosia tua in naonda bo kobarani in beruang kobaayan inta kinobuḻian i adínea. Apa doman ki Daud tua in tontara inta kopongalaman inta diábí dodai in onda in mosiug moyotakin in intaunea mita.

SAMUEL 2 5:2

Nongkon koḻipod, sedang bo kon tungkuḷpabí in ki Saul nomarentapa kon inami, ki Tuang doman inta nodia kon tontara in Israel pomuḷoi in mayá moparang, apa doman ki Tuhan ain nodandi kon i Tuang kon ki Tuangbí in mobaḻí itoi in umat-Nea bo mobaḻí datu monia.”

DATU MITA 2 20:5

buipa bayá kon i Hizkia, datu in umat i Tuhan, bo potaau in koyow tanaa, “Akuoi, ki Tuhan, Allah inta sinumba i Daud mogoguyangmu, ain nokodongog kon sambayangmu bo nokoontongdon kon ḷuámu. Undaman-Kudon in iko; toumá in iko in mayádon kon Baḷoi-Ku.

DATU MITA 2 4:1

Kon singgai tobatú ki baḷú in nabi tobatú in minayá kon i Elisa bo noguman, “Amá, ki buḷoiku in minatoidon! Bo kinotaauanbí doman i Amá kon sia tua in intaubí inta motoindudui kon i Allah, táe koboḻi in sia kon intau ibanea. Tanaa in intau tatua in namangoi sin mogamá kon i adíku doyowa bo baḻíonnea ki ata monia, sin poguboḻi kon boḻi i buḷoiku inta ain minatoi tua.”

AMSAL 31:6

Oinumon mokoḷoḷangu in kon i moniabí inta kinobuḻian in kamang bo inta norobonoḷ in gina.

MATIUS 11:12

Pinangkoipamai ki Yohanes Mobobaptis nopotaau in habarnea noiyaput in tanaa, umat i Allah totok in bayowan in intau mita inta moḷongasi mongawasa kon tua takin aid diá mopia.

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

IBRANI 2:10

Totuu kon patus bidon in ki Allah inta nomia kon bayongan in yagi-yagi mopobayá in onu inta imakusud-Nea tontaní. Binaḻí-Nea in ki Yesus mopoposaḷamat inta nosompurna pinodoyon kon daḷan inta totok in moyoyiga. Tua in daya i Allah sinbá mobayong intau in motaau oiníon-Nea mayá in tampat inta mopia totok takin i Yesus. Sin Siabí in nobuká kon daḷan kon i monia sinbá mosia in motaau posaḷamaton.

HAKIM MITA 11:3

Tuamai in ki Yepta nonaḷámaidon kon i utatnea mita bo minayá nogutun kon butá in Tob. Kon tua topaanan in intau moraat dinumugang kon inia bo minayá in mosia nogagow.

HAKIM MITA 18:25

Intau mita in suku Dan tatua noguman, “Maníka kibio-biómai; dika modapot in intau mita tanaa tumorú bo monubu kon inimu, bo iko takin bayongan in ginaḷummu mita matoi.”

SAMUEL 1 22:3

Nongkon angob tatua ki Daud minayá in Mizpa kon Moab bo noguman kon i datu in butá in Moab, “Ogoipa in ki amá bo ki iná in bobantung naa in mogutun kon i Tuangku, modapot in kotaauan in bobantung naa onu in makusud i Allah kon bobantung naa.”

SAMUEL 1 23:13

Dá ki Daud takin intaunea mita inta degá 600 tua, ḷagidon nonaḷámai kon Kehila bo nomampi-mamping mako kon tampat. Naonda in kinotaauan i Saul kon ki Daud ain iḻumuai nongkon Kehila, diádon in sia minayá nonubu.

SAMUEL 1 25:13

“Pogigabitdon komintan!” parenta i Daud. Dá ḷagidon dinuduian in intaunea mita in singog i Daud tatua. Ki Daud in nogigabit domandon bo nobuat takin degá opatmai nogatut in intau, bo intau doyowa nogatut in sinaḷáan sin moḷukad kon pakakat mita.

SAMUEL 1 30:6

Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.

SAMUEL 1 9:16

“Ikoḷom doḷo-doḷom degá orasmai nanaa, Akuoi in mopotabádon mangoi kon intau tobatú nongkon suku Benyamin mamangoi kon inimu. Duídon in sia takin upacara popotoguḷuan in ḷana sin baḻíon datu kon umat-Ku Israel. Sia in moposaḷamat kon umat-Ku nongkon intau in Pilistin. Akuoi in nokoontongdon kon roriga in umat-Ku bo nokodongogdon kon ombaḷ monia mokituḷung.”