SAMUEL 1 22:19 - Alkitab Singog In Mongondow Masa In Tanaa

¹⁹ Ki Saul in nomarenta doman kon moḻimod kon bayongan intau in Nob, kotá in imang tatua; ḷoḷaki bo bobay, mongoadí mita bo adí mita mointok, sapi doman, keledai bo domba, komintan iḻimod.

SAMUEL 1 22:19 ပူးပေါင်းရင်းမြစ်များ

NEHEMIA 11:32

kon Anatot, Nob, Ananya,

YESAYA 10:32

Singgai in naa musung kon kotá in Nob, bo kon tua mosia morangkom kon koyungkum potundú kon Buḷud in Sion kon kotá in Yerusalem.

HOSEA 10:14

dá rayatmu in dapangon in parang, bo bayongan in dindingmu in rimumudon. Kaadaannea in naonda bo kon singgai ki Datu Salman noyompat kon kotá in Bet-Arbel kon pinoparangan, bo noḻintog kon guyanga mita bobay takin ki adí mita monia.

MATIUS 21:16

Bo mosia in noguman kon i-Nia, “Degá dinongog-Mu onu in siningog in mongoadí mita tanaa?” Ki Yesus in notubag kon i monia, “Dinongog-Ku intua! Degá diápa kinobacaan monimu inta pinais kon Buk Motusi nanaa: ‘Nongkon bibig in adí mita mointok bo mongoadí mita inta monetépa aindon sinundú-Mu in mosia mopoyaput in dodayow mita’?”

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

YOSUA 6:17

Bayongan in kotá takin tombonunea musti daiton monimu payongon mobaḻí sosumba kon i Tuhan. Tongá ki Rahab, bobay sundaḷ takin ginaḷumnea in pomayádon mako in mobiag, sin sia in notuḷungdon kon toimata mita naton.

YOSUA 6:21

Bayongan intau kon kotá tatua, noguod noguyang, ḷoḷaki bobay, komintan iḻimod in pitow. Bayongan in bobiagon sapi, domba bo keledai sinoko ḻimod doman.

SAMUEL 1 15:3

Dá bayá bo tubudon in intau in Amalek bo rimumudon in bayongan kapunyaan monia. Dikabí taḷaanmai in onuka; ḻimodon in bayongan intau ḷoḷaki, bobay, mongoadí mita bo adí mointok; takin doman sapi, domba, unta bo keledai.”

SAMUEL 1 15:8

Bayongan in rayat bo tontara in intau in Amalek iḻimod i Saul. Táe ki Agag datu in intau in Amalek in dinomok bo pinomayá mako i Saul takin tontaranea nobiag, natua doman in bayongan domba bo sapi inta totok in mongopia, ki adí in sapi bo ki adí in domba inta totok in noḷongó, bo bayongan in onu inta koboḻi; tongábí bobiagon inta diá in mangaḻenea bo inta diá koboḻi tua in iḻimod.

SAMUEL 1 21:1

Dá minayádon in ki Daud kon i Imang Ahimelek kon Nob. Noitaḻikokog in ki Ahimelek iḻumuai nokipodungkuḷ kon i Daud bo noḻibó kon inia, “Nongonu sin iko in namangoi tongábí iko-iko mita?”

SAMUEL 1 22:11

Bo ki datu in nokioiní kon i Imang Ahimelek bo bayongan in ginaḷumnea inta nobaḻí imang kon Nob; dá namangoidon in mosia kon tayowonnea.

SAMUEL 1 22:9

Ki Doëg tongguḷu in gombala in bobiagon i Saul, kon tua doman noyotakin in porwira mita i Saul, bo ki Doëg in noguman, “Bobantung naa ain nokoontong kon i Daud namangoi kon i Ahimelek adí i Ahitub kon Nob.