SAMUEL 1 22:18 - Alkitab Singog In Mongondow Masa In Tanaa

¹⁸ Tuamai in ki Saul noguman kon i Doëg, “Koḻikat! Ikodon in moḻimod kon i monia!” Dá inumunadon in ki Doëg bo noḻimod kon imang mita tatua. Kon singgai tatua sia nomatoidon kon waḷu nopuḷú in imang inta motaau mogiḷambung in ḷambung epod.

SAMUEL 1 22:18 ပူးပေါင်းရင်းမြစ်များ

TAWARIKH 2 24:21

Táe rayat in noyopopogdon momayow kon i Zakharia, bo ki Datu Yoas in dinumudui kon pinoyopopogan tatua. Diá bidon kinotoropannea in onu inta inaidan bo kotoindudui i Yoyada, ki amá i Zakharia. Pinodoyon kon parenta i datu, ki Zakharia in inandur in batu nodapot in minatoi kon bosí in Baḷoi Tuhan. Kon dodai in matoidon, ki Zakharia in nomaḷú, “Igumon mako indoian i Tuhan in aidmu tanaa bo motuḻí.”

MAZMUR 78:64

Imang mita monia iḻimod in kedang, boba-bobay mita monia diá mokopogamui.

IḶUAIAN 28:40

Ki adí mita i Harun in pomiaai domandon kon ḷambung, baan bo suruban sinbá mosia mokobangkaḷ in koontongan.

AMSAL 24:15

Dikabí ná intau moraat inta moyopakat mogagow kon onuka kon intau motuḻid bo mogagow kon baḷoinea.

HOSEA 5:11

Israel in dinorot; sia in kinobuḻian in hak kon butánea, popisí in sia totok in kumeket kon mokituḷung kon inta sabanarnea in diábí mokotuḷung kon inia.

HOSEA 7:3

Ki Tuhan in noguman, “Pinongin tompobaḻik bo aid mita inta moraat rayat moḷongasi moposanang in gina i datu bo in pojabat mita in pomarenta.

MIKHA 6:16

Tua komintan in mobaḻí popisí in moiko dinumudui kon aid moraat i Datu Omri bo i adínea, tuata in ki Datu Ahab. Moiko in dinumudui kon oaid monia. Tuamai in rimumudon-Ku in moiko, bo moiko in poempengon bo singkuḻeon in bayongan in bangusa.”

ZEPANYA 3:3

Intau mita moḷoben kon kotá mita tatua in naonda bo singa inta moroganggor. Hakim-nea mita in naonda bo serigala mita inta ginogoi; mosia in totok turá nodapot in tuḷan yo diábí in sinaḷáan kaanon mopoikoḷomai.

SAMUEL 1 2:18

Kon dodai intua, ki Samuel inta mongoadípa tantú mogundoi kon i Tuhan. Nomaké in sia in ḷambung inta ain sinantú nongkon kaeng linen, ná ḷambung inta pakéonmai in imang mita kon ibada.

SAMUEL 1 2:28

Nongkon bayongan suku in Israel ain piniḻí-Ku in motoḷuadínea nobaḻí imang-Ku, sin mopobayá in oaidan kon mezbah, motubá kon dupa, bo mogiḷambung in ḷambung epod aka moyosingog takin-Ku. Bo kon i monia takin buí monia aindon inogoian-Ku in hak mogamá kon tongosilai nongkon kuruban sosumba inta sinubá kon mezbah.

SAMUEL 1 2:36

Pomuḷoi in bui inta nobiagpa, in mayábí kon i imang tatua sin moigum kon doit bo kaanon. Sia in mopoigum: Ogoiaipa in akuoi in wakutu motuḷung kon imang mita, sinbá akuoi mokouḻí kon kaanon umpaka tongá komintan kaanon.”