SAMUEL 1 22:17 - Alkitab Singog In Mongondow Masa In Tanaa

¹⁷ Bo sia in nomarenta kon bayongan in moḷoḷukadnea inta sinimindog kon diugneamai, “Ḷagidon ḻimod in imang mita i Tuhan tatua! Mosia tua in noyopakatdon takin i Daud. Kinotaauandon monia kon ki Daud in noḷaguidon, táe mosia in doíbí nopotaau kon inakó.” Táe moḷoḷukadnea mita tatua in doíbí moḻimod kon imang mita i Tuhan tatua.

SAMUEL 1 22:17 ပူးပေါင်းရင်းမြစ်များ

SAMUEL 2 15:1

Nopaḷut mako kon tua ki Absalom nosadiadon kon kereta in parangnea tobatú bo kabaḷo takin intaunea ḻima nopuḷú

DATU MITA IMITÁNEA 1:5

Popisí in ki Absalom ain minatoi, dá ki Adonia, adí ḷoḷaki i Daud nogindua in nobaḻí adí guya-guyang. Ki inánea in ki Hagit. Ki Adonia naa in ḷoḷaki inta moḷunat. Diábí dodai onda in torúan i amánea in sia aka momia kon inta moitaḷá. Ki Adonia in moibogbí totok in mobaḻí datu, dá nosadiadon in sia kon tongonumai in kereta in parang bo tontara mita inta tumotakoi kon kabaḷo takin moḷoḷukadnea ḻima nopuḷú.

DATU MITA IMITÁNEA 14:27

Dá nobaḻí toḻiunea ki Datu Rehabeam nomia kon kaḻeaw mita bitú bo inogoi kon porwira mita inta noḷukad kon bonawang in komaḻig in datu.

DATU MITA IMITÁNEA 18:4

Kon dodai in ki Izebel noḻimod kon nabi mita i Tuhan, ki Obaja naa in notuḷung kon mogatut in nabi takin nobuni kon i monia kon bonu in angob – 50 in intau in kon angob tobatú – bo mobogo-bogoi in kaanon kon i monia.)

DATU MITA 2 10:25

Bo naonda in ki Yehu nopaḷut noposumba in kuruban tatua, iḻumuai in sia bo noguman kon pongawal mita bo porwira mita tatua, “Tuotdon bo ḻimod komintan in mosia. Dikabí pomayá mako in tobatúmai mokoḷagui!” Dá sinumuotdon in mosia takin kokada-kadai in kedang inta irabutdon kon gumánea bo noḻimod kon bayongan in intau kon tua, bodongka pinogambat monia kon ḷuai in mayat mita tatua. Onda intua sinumuot in mosia kon bonu totok in kuil,

IḶUAIAN 1:17

Táe taya dua tua in intaubí mita inta motoguondok kon i Allah. Doíbí in mosia mogaid kon onu inta pinoki aid i datu bo pinomayádon mako monia in adí mita ḷoḷaki tua nobiag.

OUMAN IN RASUL MITA 4:19

Táe ki Petrus bo ki Yohanes in noguman kon i monia nanaa, “Raidon monimu kopia mongo onda in mopia-pia kon tayowon i Allah: Dumudui kon parenta monimu mongo dumudui kon parenta i Allah.

SAMUEL 1 14:45

Táe rayat in noguman kon i Saul, “Musti hukumon matoi degá in ki Yonatan? Bokaka siabí in inta nodia kon kauntungan moḷoben tanaa? Diá! Kami in modandi podoyon kon i Tuhan inta nobiag, kon ki Yonatan in diábí motaau koinggamáan in tongáka buok tougat kon uḷunea. Sin tongábí popisí in totuḷung i Tuhan, sia in nokouḻí kon kauntungan kon singgai in naa.” Natuata in nobaḻí, ki Yonatan pinosaḷamat in rayat nongkon hukuman matoi.

SAMUEL 1 2:31

Indongogaidon, moiangoibí in wakutunea Akuoi in moḻimod kon bayongan tayowmobiag kon motoḷuadí bo bui inanakanmu, modapot in diádon in tobatúmai in ḷoḷaki kon bonu in motoḷuadímu in mononoi.

SAMUEL 1 20:33

Nokodongogmai kon tua in ki Saul noponakuḷ in pandongnea kon i Yonatan sin moḻimod kon inia. Dá kinotaauandon kon totu-totuu bidon in ki Saul moḷongasi moḻimod kon i Daud.

SAMUEL 1 22:13

Ki Saul in noḻibó kon inia, “Nongonu sin iko in noyopakatbí i Daud moḷawang kon inakó? Nongonu sin sinongkaaḷanmubí in sia in roti bo inogoianmu in kedang bo pinoigumanmu doman in totundú nongkon i Allah in sia? Dá tanaa in sia noḷawangdon kon inakó bo mogoḷatdon mako kon kasampatannea sin moḻimod kon inakó.”

SAMUEL 1 22:16

Táe ki datu in noguman, “Ahimelek! Iko bo bayongan in ginaḷummu in mustibí matoi.”

SAMUEL 1 25:17

Manangka intua, raidon kopia in soaḷ tanaa, bo tantúdon onu inta motaau pomiaan i Iná. Sin notantú bidon kon moiangoibí in tontuḻí kon i tuang naton bo kon bayongan in motoḷuadínea. Ki Tuang naton in totuu motontogat in gina modapot in sia diá motaau anutan mongonguman!”

SAMUEL 1 8:11

“Nanaa in bain popoaid i datumu kon i monimu,” natuata in pinogoginsilang i Samuel. “Pakisaanneadon in ki adímu mita tumuot in tontara; tongosilai nongkon i monia mobaḻí tontara inta tumakoi kon kereta, tongosilai doman in kon kabaḷo, bo ibanea mako in tontara inta maya-mayá in sioḷ.