SAMUEL 1 22:15 - Alkitab Singog In Mongondow Masa In Tanaa

¹⁵ Totuubí, kon bobantung naa ain nopoigum in totundú nongkon i Allah kon kopontingannea, táe deemanbí naa in dungkuḷ totok bobantung naa in nomia kon tua. Aka soaḷ yopakat moḷawang kon i Tuang datu, dikabí in ki Tuang datu moponapud in natua kon bobantung naa andeka kon tobatúmai in intau kon motoḷuadí in bobantung naa. Bobantung naa in totokbí in diá nonotaau in onu bo onu soaḷ pelekara tatua!”

SAMUEL 1 22:15 ပူးပေါင်းရင်းမြစ်များ

SAMUEL 2 15:11

Nongkon Yerusalem doyowa nogatut in intau sinumakin kon i Absalom minayá in Hebron. Diábí kinotaa-taauanmai monia in komplotan tatua bo mosia komintan in sinumakin takin diábí in curiga.

SAMUEL 2 19:18

Mosia in notuḷung kon motoḷuadí i datu iḷumoḷan poḷat nogaid kon bayongan inta pinoki aid i datu kon i monia. Kon dodai in ki datu in ḷumoḷandon kon ongkag, ki Simei in sinumungkud kon tayowonnea bo noguman,

SAMUEL 2 19:19

“Bobantung in mopoigum, igumon mako ki Tuang datu in diádon umuran mako mopotaḷá kon inakó. Aka motaau yo ḻiongondon i Tuang datu in onu inta inaidan in bobantung naa kon singgai kon dodai in ki Tuang datu nonaḷámai kon Yerusalem.

SAMUEL 2 5:19

Noḻibó in ki Daud kon i Tuhan, “Musti degá tubuonku in intau in Pilistin tatua? Degá popountung-Mu in akuoi?” “Tubudon!” tubag i Tuhan. “Popountung-Kubí in iko!”

SAMUEL 2 5:23

Komintanpa doman bui in ki Daud nopoigum in topotundú kon i Tuhan. Tubag i Tuhan, “Dika monubu kon i monia nongkon naa, táe bayádon poḻibu bo tubudon in mosia nongkon tumi, kon diug in pangkoi mita in murbei.

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

SAMUEL 1 22:16

Táe ki datu in noguman, “Ahimelek! Iko bo bayongan in ginaḷummu in mustibí matoi.”

SAMUEL 1 25:36

Naonda in ki Abigail nobui kon i Nabal, noniata magí yo oyúonbí in rame moḷoben kon baḷoinea, naonda bo rame in datu. Bo popisí in ki Nabal noḷoḷangu bo noḷunganga totok in ginanea, dá diábí pinotaau i buḷoinea kon inia nodapot in nobangon monik.