SAMUEL 1 22:13 - Alkitab Singog In Mongondow Masa In Tanaa

¹³ Ki Saul in noḻibó kon inia, “Nongonu sin iko in noyopakatbí i Daud moḷawang kon inakó? Nongonu sin sinongkaaḷanmubí in sia in roti bo inogoianmu in kedang bo pinoigumanmu doman in totundú nongkon i Allah in sia? Dá tanaa in sia noḷawangdon kon inakó bo mogoḷatdon mako kon kasampatannea sin moḻimod kon inakó.”

SAMUEL 1 22:13 ပူးပေါင်းရင်းမြစ်များ

MAZMUR 119:69

Intau moḷoḷatú noningkuḻe kon inakó, táe noḻimbatúbí in ginaku in sinumoḷutui kon atorang-Mu.

AMOS 7:10

Ki Amazia, imang kon Betel, nokidia in lapuran tanaa kon i Yerobeam datu in Israel, “Ki Amos in koyogot noyopakat in rayat monayow kon i Tuang datu. Tosingogonnea mita inta monundud kon patú in rayat in mokopopisí kon butá tanaa in morimumud.

SAMUEL 1 22:12

Guman i Saul kon i Ahimelek, “Indongogaidon, ei adí i Ahitub!” Tubagnea, “Oo, Tuang datu.”

SAMUEL 1 22:8

Tua degá in nokopopisí kon i monimu in noyopakatdon kon moḷawang kon inakó bo diá tobatúmai in nopotaau kon inakó kon ki adíku in nomihakdon kon i Daud tua? Diábí in tobatúmai in kon sigad monimu in morai kon kobiaganku andeka mopotaau kon inakó kon ki Daud, intauku tua, in kon tanaa mako in mogoḷatdon mako kon kasampatan moḻimod kon inakó, bo ná doman tua in ki Yonatan ki adíku in ain noginrigon kon raiannea!”