SAMUEL 1 22:10 - Alkitab Singog In Mongondow Masa In Tanaa

¹⁰ Ki Ahimelek in nopoigum in totundú kon i Tuhan kon soaḷ onu in pomiaan i Daud. Koḻikud intua ki Daud sinongkaaḷandon in kaanon poḷat inogoian domandon in kedang i Goliat, intau in Pilistin tua.”

SAMUEL 1 22:10 ပူးပေါင်းရင်းမြစ်များ

PINOGIAPAN 27:21

Ki Yosua in musti mopoigum in totundú i Imang Eleazar, bo ki Eleazar in musti moḻibó kon onu in koibog-Ku takin mopomaké in Urim bo Tumim. Natua in pododia i Eleazar kon i Yosua bo bayongan bangusa Israel kon bonu in bayongan pelekara inta kobayáan monia.”

SAMUEL 1 10:22

Tuamai noḻibó in intau mita kon i Tuhan, “Oo Tuhan, degá intau tatua kon naadon?” Tubag i Tuhan, “Ki Saul nogadop kon tumimai in barang mita touḷut.”

SAMUEL 1 21:10

Kon singgai domandon tatua ki Daud noḷagui kon i Saul, bo noyaputdon in sia kon i Akhis datu in kotá in Gat.

SAMUEL 1 22:11

Bo ki datu in nokioiní kon i Imang Ahimelek bo bayongan in ginaḷumnea inta nobaḻí imang kon Nob; dá namangoidon in mosia kon tayowonnea.

SAMUEL 1 22:13

Ki Saul in noḻibó kon inia, “Nongonu sin iko in noyopakatbí i Daud moḷawang kon inakó? Nongonu sin sinongkaaḷanmubí in sia in roti bo inogoianmu in kedang bo pinoigumanmu doman in totundú nongkon i Allah in sia? Dá tanaa in sia noḷawangdon kon inakó bo mogoḷatdon mako kon kasampatannea sin moḻimod kon inakó.”

SAMUEL 1 22:15

Totuubí, kon bobantung naa ain nopoigum in totundú nongkon i Allah kon kopontingannea, táe deemanbí naa in dungkuḷ totok bobantung naa in nomia kon tua. Aka soaḷ yopakat moḷawang kon i Tuang datu, dikabí in ki Tuang datu moponapud in natua kon bobantung naa andeka kon tobatúmai in intau kon motoḷuadí in bobantung naa. Bobantung naa in totokbí in diá nonotaau in onu bo onu soaḷ pelekara tatua!”

SAMUEL 1 23:2

Bo noḻibódon in ki Daud kon i Tuhan, “Degá musti in akuoi mayá monubu kon intau in Pilistin?” “Oo,” tubag i Tuhan, “tubudon in mosia bo posaḷamatdon in intau mita in Kehila.”

SAMUEL 1 23:4

Manangka intua komintanpa doman in ki Daud minayá nopoigum in totundú nongkon i Tuhan, bo ki Tuhan in notubag, “Dika moḻia-ḻiaw in gina. Tubudon in kotá tatua ogoi-Kubí kon inimu.”

SAMUEL 1 30:8

Onda intua noḻibódon in ki Daud kon i Tuhan, “Musti degá batukonku in banselang mononubu tatua? Mokobatuk degá in akuoi kon i monia?” Ki Tuhan notubag, “Oo, batukdon; kobatukanmubí in mosia bo poḷuatonmu in intau mita inta sinoko domok tua.”