SAMUEL 1 22:1 - Alkitab Singog In Mongondow Masa In Tanaa

¹ Onda intua ki Daud nonaḷámaidon kon kotá in Gat bo nogadop kon angob kon diug in kotá in Adulam. Naonda in kinodongogan i guya-guyangnea mita bo in bayongan in ginaḷumnea kon ki Daud in kon tua, namangoidon in mosia kon inia.

SAMUEL 1 22:1 ပူးပေါင်းရင်းမြစ်များ

KINOBAḺIAN 38:1

Kon tungkuḷ intua ki Yohuda nonaḷámaidon kon i utatnea mita bo minayá nogutun takin i Hira, tobatú ḷoḷaki inta nongkon kotá in Adulam.

TAWARIKH 1 11:15

Kon singgai tobatú intau toḷu inta kon sigad in porwira i Daud 30 inta noiḷontú totok, minayá nokipodungkuḷ kon i Daud kon tampat tobatú inta oyúon in poḷoḷukadan kon buḷud batu tobatú kon diug in Angob in Adulam. Kon dodai intua intau in Pilistin nononḷoḷaigan kon Ḷopá in Repaim, bo tongopaanan in tontara monia in nokoagowdon kon Betlehem.

MAZMUR 34:1

Mazmur i Daud, kon tungkuḷ in sia sinumon intau nobundai kon tayowon i Abimelek, dá inuntun in sia bo minayá.

MIKHA 1:15

Ei intau in Maresya, Ki Tuhan in moposarakan kon i monimu kon musung inta mopotungkud in kotámu. Itoi mita in Israel inta nongawasa in mogadop kon bonu in angob mita kon Adulam.

MIKHA 1:3

Sia in noponag nongkon pinogutunan-Nea inta motusi bo maya-mayá kon tudu in buḷud kon butá.

IBRANI 11:38

Dunia naa in deemanbí tampat mopia kon i monia. Mosia maya-mayá mako kon padang gurun bo kon buḷu-buḷudannea bo mogutun kon bonu in angob mita kon bubú mita in butá.

SAMUEL 1 24:4

Dá noyaputdon in ki Saul kon diug in tongonumai in ḷantung in domba kon bingkí in daḷan. Kon tua oyúon doman in angob tobatú, bo sinumuot in ki Saul sin tumapang. Noitongkanádon totok kon ki Daud bo intaunea mita in nogadop kon tua doman, noḻin akopa topí.