SAMUEL 1 21:7 - Alkitab Singog In Mongondow Masa In Tanaa

⁷ Noitongkaná, in ki Doëg intau in Edom, itoi in gombala in bobiagon i Saul kon tua in singgai tua sin momaḷut kon onu inta sinantú kon agama.)

SAMUEL 1 21:7 ပူးပေါင်းရင်းမြစ်များ

KINOBAḺIAN 26:20

Táe gombala mita kon Gerar in nobobayowan takin gombala mita i Ishak. Guman monia, “Tubig tanaa kamibí in kitogi.” Tuamai parigí tatua sinangoian i Ishak “Bobayowan”.

TAWARIKH 2 26:10

Sia in noposindog doman in ḷangkeang mita inta dininding kon butá inta kon padang gurun, bo nongaḻi kon nobayong in parigí sin nobayong totok in bobiagonnea, pinomayá kon buḷud andeka kon ḷopá kon dotá in toyopan. Popisí in sia moibog moindoi kon ponononggobá, dá nopotabá in sia nokiaid kon nobayong in intau sinbá monoimbotú kon gobá mita in anggur kon buḷud, bo mononggobá kon butá mita inta mopia.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

IMAMAT 22:10

Sosumba inta ain sinantú kon i-Nakó tongábí motoḷuadí i imang in motaau mokaan; intau ibanea in diábí motaau mokaan kon tua, umpakabí intau tatua nogutun tobaḷoian i imang tatua ande intau inta sinokotondanannea.

IMAMAT 22:13

Táe ki adí i imang inta nobaḻídon boba-bobay ande inta ain ginaat takin diá kogadí bo nobuidon mangoi kon baḷoi amánea poḷat domandon nobaḻí tanggungannea, yo motaaudon in sia mokaan kon silai i amánea. Tongábí motoḷuadí i imang in motaau mokaan kon sosumba tatua.

IMAMAT 24:5

Pogamádon kon topong inta totok in mopia mopuḷú bodoyowá nokilo in kobayongnea bo pomiadon kon roti noḻimbung mopuḷú doman bodoyowá, pomia tumongo kilo komintan.

IMAMAT 24:8

Pomuḷoi in singgai in Sabat musti oyúon in roti inta oḷudon kon bonu in Ḷoḷaigan i Tuhan. Tua in nobaḻí kowajiban in bangusa Israel modapot kon adí bo ompu.

AMOS 8:5

Moiko in noguman kon i monimu tontaní, “Totuubí moonggot in singgai mita moḷoben. Kita in moibogdon ḷagi mopotaḷui in gandum naton, táe poramean tatua in diápabí doman mopaḷu-paḷut. Toonubí degá in singgai in Sabat mopaḷut, sinbá kita in motaaudon bui modagang? Kita in moibogdon totok in mongupit kon epa, monguboḷ kon pogogukuran, bo monombogá kon simbangan.

MATIUS 15:8

‘Nanaa in kai Allah: Intau mita tanaa moduí kon i-Nakó táe tongá kon bibig monia, sin gina monia in moyayú kon i-Nakó.

SAMUEL 1 11:5

Kon dodai intua ki Saul bagupa nobui nongkon gobánea takin kodia-dia in sapinea. Dá noḻibó in sia, “Onu in nobaḻí? Nongonu sin bayongan in intau in mongombaḷbí?” Bo pinotaaudon kon inia in habar inta pinotaau in totabá nongkon Yabesh tatua.

SAMUEL 1 14:47

Naonda in ki Saul nobaḻí datu in Israel, sia in noparang kon bayongan tampat noḷawang kon bayongan musung in Israel, tuata in intau in Moab, intau in Amon, bo intau in Edom, datu mita in butá in Zoba, bo intau in Pilistin. Kon ondaka in poparangannea, umuran in sia mokountung.

SAMUEL 1 21:8

Onda intua ki Daud noḻibó kon i Ahimelek, “Degá notagú in ki Amá kon pandong andeka kedang inta motaauku pakéon? Parenta i Tuang nodaḻin-daḻí totok dá akuoi nobuat iḻimika-ḻikat totok bo diádon nokopogamá kon kedang andeka abit ibanea.”

SAMUEL 1 22:10

Ki Ahimelek in nopoigum in totundú kon i Tuhan kon soaḷ onu in pomiaan i Daud. Koḻikud intua ki Daud sinongkaaḷandon in kaanon poḷat inogoian domandon in kedang i Goliat, intau in Pilistin tua.”

SAMUEL 1 22:22

Dá ki Daud in nogumandon kon inia, “Naonda in inontongku in ki Doëg kon tua in singgai tua, kinotaauanku bidon kon sia in notantú bidon kon mopotaaubí intua kon i Saul. Dá akuoidon in kitogi totaau kon kinopatoian in bayongan in utatku.

SAMUEL 1 22:9

Ki Doëg tongguḷu in gombala in bobiagon i Saul, kon tua doman noyotakin in porwira mita i Saul, bo ki Doëg in noguman, “Bobantung naa ain nokoontong kon i Daud namangoi kon i Ahimelek adí i Ahitub kon Nob.