SAMUEL 1 21:5 - Alkitab Singog In Mongondow Masa In Tanaa

⁵ Ki Daud in notubag, “Notantú bidon kon diábí inaidan monia intua. Tantúbí aka kami mayá moparang, intauku mita in umuranbí moḷukad sinbá mosia in umuran modarit podudui in agama, bokaka biasamai tua in tongábí oaidan mita biasa; apa doman oaidan inta ain sinantú ná tanaa!”

SAMUEL 1 21:5 ပူးပေါင်းရင်းမြစ်များ

IḶUAIAN 19:14

Onda intua ki Musa noponag nongkon buḷud bo nopotabá kon intau mita moposadia sin moibada. Gumannea, “Toumá moiko in musti nosadia, bo tanaa mako moiko in diápa motaau mosiug moyotakin.” Bo bangusa tatua nomangkoidon noposadia bo nomatá kon pakeang monia.

IḶUAIAN 25:30

Meja tatua in musti poukat kon tayowon in Poti Dodandian, bo kon tudu in meja tatua musti umuran oyúon in roti sosumba.”

IMAMAT 24:9

Roti tatua in silai i Harun bo buínea. Bo tua in mustibí kaanon monia kon tampat inta motusi, sin roti tatua in motusibí doman totok nongkon kuruban kaanon inta pinosumba kon i Tuhan inta nobaḻí silai in imang mita.

IMAMAT 8:26

Nongkon kompé inta kon bonu in roti diá iragian inta ain pinosumba kon i Tuhan, ki Musa in nogamá kon roti tobatú inta mobunod inta pinomia binauian in ḷana bo tobatú doman in roti inta nonipit. Roti tatua inukatnea kon tudu in ḷongó bo páa koḷanan in domba.

OUMAN IN RASUL MITA 9:15

Táe ki Tuhan in noguman kon i Ananias, “Bayádon! Sin sia tua ain bidon piniḻí-Ku mobantung kon i-Nakó mopotaa-taau mako in Habar Mopia soaḷ Akuoi kon bangusa mita ibanea inta deeman intau in Yahudi bo kon datu mita bo kon intau mita in Israel.

KORINTUS 1 7:5

Doyowa motonibuḷoi in diábí motaau in mosiyayúan. Motaaubí asaḷbo muna moyosingog bo diá motaau moonggot. Aka natua yo doyowa motonibuḷoi in tumpaḷa motaau mosisambayangan. Tongá naonda intua moiko in mustibí bui motobatú saḷaku doyowa motonibuḷoi. Sin aka diá natua yo koonggotannea kogonúanbí in roho inta diá mopia, sin diá mokotahang kon ibog in awak.

PETRUS 1 3:17

Maníka mororiga lantaran nogaid kon inta mopia aka tuabí in kinoibog i Allah, dika in mororiga popisí in nogaid kon inta moraat.