SAMUEL 1 21:12 - Alkitab Singog In Mongondow Masa In Tanaa

¹² Tosingogon mita tatua monuyayow kon raian i Daud, bo inagían totok in ondok in sia kon i Datu Akhis.

SAMUEL 1 21:12 ပူးပေါင်းရင်းမြစ်များ

KINOBAḺIAN 26:7

Naonda in intau mita kon tua noḻibó mongo ki ine in ki Ribka, ki Ishak noguman kon ki Ribka tua in ki ai-aineabí, deemanbí ki buḷoinea. Sin ki Ishak in moondok dika-dikabo intau mita kon tua moḻimod kon inia bo mogamá kon i Ribka inta moḷunat totok tatua.

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

MAZMUR 34:4

Poḷantudon in ki Tuhan takinku, igai moyotakin mopomulia kon tangoi-Nea.

MAZMUR 56:3

Kinoouput in singgai akuoi iyunta-yuntai in saturuku; mobayongbí in mosaturu kon inakó, o Allah Inta Totok in moḷantud.

LUKAS 2:19

Táe ouman tatua sinagú mako i Maria kon bonu in ginanea bo umuran kon bonu in raiannea.

LUKAS 2:51

Onda intua ki Yesus nobuidon kon Nazaret noyotakin monia bo umuran dinumudui kon parenta in guyanga-Nea. Bayongan inta ain nobaḻí umuran sinagú i Maria kon bonu in ginanea.

SAMUEL 1 18:7

Koyogot in notayok bobay mita nodondong nanaa, “Ki Saul noḻimod kon ribuan in musung, táe i Daud in puḷúan ribu.”

SAMUEL 1 21:10

Kon singgai domandon tatua ki Daud noḷagui kon i Saul, bo noyaputdon in sia kon i Akhis datu in kotá in Gat.

SAMUEL 1 21:13

Tuamai, kon tayowon in intau mobayong ki Daud ki ubo-uboḷmai nobundai. Naonda in mosia monungkuḷ modomok kon inia, sia naonda bo diá noratakmai; nongamburung in sia kon ngara in kotá bo nopomayádon mako in ibognea ḷumoḷayat kon kuminea.