SAMUEL 1 21:11 - Alkitab Singog In Mongondow Masa In Tanaa

¹¹ Pogawai mita i Akhis in noguman nanaa kon i Akhis, “Siabí nion in ki Daud, datu kon butá tanaa! Bo kon iniabí nion kon dodai intua in bobay mita notayok sindaḷan nodondong nanaa, ‘Ki Saul in noḻimod kon ribuan in musung, táe i Daud in puḷúan ribu!’ ”

SAMUEL 1 21:11 ပူးပေါင်းရင်းမြစ်များ

MAZMUR 34:1

Mazmur i Daud, kon tungkuḷ in sia sinumon intau nobundai kon tayowon i Abimelek, dá inuntun in sia bo minayá.

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

SAMUEL 1 19:18

Naonda in ki Daud nokoḷaguidon, minayá in sia kon baḷoi i Samuel kon Rama, bo pinotaaunea in bayongan inta pinomia i Saul kon inia. Onda intua ki Daud bo ki Samuel noyotakin minayá in Nayot bo nogutun kon tua.

SAMUEL 1 27:1

Ki Daud norai kon bonu in ginanea, “Naondaka doman yo kon singgai tobatú in ki Saul in moḻimodbí kon inakó. Dá diábí in daḷan ibanea kon inakó, koḻikudon in moḷagui mayá in butá in Pilistin. Aka natua dá diá bidon tayakon i Saul in akuoi kon Israel, bo akuoi in moaman domandon.”

SAMUEL 1 27:2

Bo ki Daud takin intaunea inta onom nogatut in ḷagidon minayá kon i Akhis adí i Maokh, datu in kotá in Gat.

SAMUEL 1 29:5

Ki Daud in sia naa? Kon iniadon naa inta koḻipod bobay mita notayok bo sindaḷan nodondong nanaa, ‘Ki Saul ain noḻimod kon ribuan in musung, táe i Daud in puḷúandon ribu.’ ”