SAMUEL 1 20:8 - Alkitab Singog In Mongondow Masa In Tanaa

⁸ Akuoi in mokituḷung kon inimu, sin kitada in nomiadon kon dodandian kon tayowon i Tuhan. Tongá aka akuoi in kotaḷá, yo ḻimodon in akuoi, táe dikabí in akuoi ogoimu kon i amámu.”

SAMUEL 1 20:8 ပူးပေါင်းရင်းမြစ်များ

KINOBAḺIAN 24:49

Tanaa, aka moiko motabi bo oyúonpa in tanggung jawab monimu kon inia saḷaku ginaḷum monimu, dá potaaudon kon inakó; tongá aka diá, dá potaaubí doman kon inakó, sinbá kotaauanku mongo onupa in aidanku.”

KINOBAḺIAN 47:29

Naonda in nodiugdon wakutunea matoi, inoinínea in ki Yusup, ki adínea tua, bodongka noguman kon inia, “Poukatdon in ḻimamu kon sigad in páaku doyowa naa bo pongibotdon kon iko in diábí moḷobong kon inakó kon butá in Mesir tanaa.

SAMUEL 2 14:32

Tubag i Absalom, “Popisí in doí in iko mamangoi wakutu in pinoki oiníku. Akuoi in moibog mopotabá kon inimu mayá kon tayowon i datu bo mopotaau in tosingogonku tanaa, ‘Onubí in mangaḻenea akuoi in nonaḷámai kon Gesur bo nobui mangoi kon naa? Maníka nogutundon in akuoi kon tua.’ ” Bo guman doman i Absalom bui, “Ḷongasidon sinbá motaau in akuoi mayá kon tayowon i datu, bo aka akuoi tantúpa doman inanggap kotaḷá, yo mosadiabí in akuoi hukumon matoi.”

TAWARIKH 1 12:17

Ki Daud in nokipodungkuḷ kon i monia bo noguman, “Aka moiko bo namangoi saḷaku yobayat sin motuḷung kon inakó, yo koḻigai dumugangdon kon i nami. Tarimaanbí nami takin pia in gina. Táe aka makusud i monimu moposarakan kon inakó kon musung pongin akaḷ monimu, umpaka akuoi naa in diá nogaid kon inta moraat kon i monimu, yo ki Allah inta sinumba in mogoguyang naton in monotaaubí kon tua bo hukumon-Neabí in moiko.”

MAZMUR 116:11

Kon bonu in kinotoboḻinguanku akuoi in noguman, “Diábí tobatúmai intau in motaau pirisayaan.”

AMSAL 3:3

Umuran popirisaya bo mokopotoindudui kon i Allah bo kon tumpaḷa intau. Torop intua bo tagú kon ginamu,

OUMAN IN RASUL MITA 25:11

Aka akuoi bo totu-totuu kotaḷá inta motaau baḻíon monimu dodoyonan pohukuman kon inakó dapot in matoi, yo kodu-koduduibí in akuoi. Táe aka onu in pinonapud monia tua bo diá totuu, yo diá in tobatúmai intau in kohak moposarakan kon inakó sin tongá popisí in ogoi ponotabi kon i monia nion. Akuoi in monuntut kon tantúondon kon pongadilan i Kaisar!”

YOSUA 2:14

Dá toimata doyowa tatua notubag, “Kami in modandidon kon aka ogoidon i Tuhan in butá tanaa kon i nami, kopiaanbí nami in pogogaid kon i monimu, asaḷ bo diá oumanonmu kon i ineka in kami naa. Kutukonbí i Tuhan in kami aka diá totuuon nami in dandi tatua.”

YOSUA 22:22

“Inta Totok in Mokawasa tuata in ki Tuhan! Inta Totok in Mokawasa tuata in ki Tuhan! Kinotaauan-Neabí kon nongonubí sin kami in nomiabí kon natua, bo ibogon nami sinbá kotaauan doman monimu mongo nongonu sin pinomiabí nami in natua! Aka kuma bo pinomia nami intua sin moḷawang kon i Tuhan andeka kami in diádon mopirisaya kon i-Nia, dá pobiódon mako in kami matoi tanaa doman mako!

RUT 1:8

ki Naomi noguman kon i mototakanea doyowa tua, “Pobuidon in kamunda kon baḷoi i iná monimu. Poigumon mako ki Tuhan in mobogoi kon onu inta mopia kon i monimu ná doman kopopia monimu kon inakó bo kon i monia inta ain minatoi tua.

SAMUEL 1 18:1

Naonda in ki Saul bo ki Daud nopaḷut nongonguman, ki Daud binaḻí i Saul pogawainea bo pinangkoidon kon singgai tatua sia in diádon inogoi nobui kon baḷoi in guyanganea. Ki Yonatan adí ḷoḷaki i Saul, ain nokodongog kon pinongonguman monia tua. Nopia doman in ginanea kon i Daud, bo kinotabinea in ki Daud ná kinototabinea kon awaknea tontaní.

SAMUEL 1 18:3

Tuamai in nongibot in ki Yonatan kon umuranbí moyobayat i Daud kinoouput in kinobiagannea.

SAMUEL 1 20:16

dikabí bontowon in dodandian kon sigad natonda. Aka modapot in mobontow, yo ki Tuhandon in mohukum kon inimu.”

SAMUEL 1 20:9

Tubag i Yonatan, “Dika moondok! Aka kotaauanku kon notantúdon kon ki amáku in moniatdon totuu kon mopobodito kon inimu, yo notantúbí kon potaauku kon inimu.”

SAMUEL 1 23:18

Onda intua ki Daud bo ki Yonatan in nomia kon dodandian yoyobayatan kon tayowon i Tuhan. Nopaḷut mako kon tua ki Yonatan in nobui kon baḷoinea, bo ki Daud in umuranpabí nogutun kon Hores.