SAMUEL 1 20:5 - Alkitab Singog In Mongondow Masa In Tanaa

⁵ Ki Daud in notubag, “Nanaa, ikoḷom in Rame Buḷan Mobagu, bo sabanarnea akuoi in mongaanbí moyotakin i Tuangku. Táe aka moibog in iko, yo mayá in akuoi bo mogadop kon dogami modapot in toumá doḷom.

SAMUEL 1 20:5 ပူးပေါင်းရင်းမြစ်များ

DATU MITA 2 4:23

“Nongonu sin mustibí mayá tanaa?” ki buḷoinea in noḻibó. “Singgai naa in deemanbí singgai in Sabat bo deemanbí doman singgai moḷoben Buḷan Mobagu.” “Diábí nongonu,” tubagnea.

MAZMUR 55:12

Kon bayongan in tampat oyúon in porimumudan; pondorotan bo ponombaḷukan in mongawasa kon pasar.

MAZMUR 81:3

Tobogdon in rebana, pododondongdon in dondong, kutidon in gambus bo kecapi kopiaan.

AMSAL 22:3

Intau mobijaksana momarut aka mokoontong mako kon bodito; intau bodok mayá turus bo koantugan in roriga.

AMOS 8:5

Moiko in noguman kon i monimu tontaní, “Totuubí moonggot in singgai mita moḷoben. Kita in moibogdon ḷagi mopotaḷui in gandum naton, táe poramean tatua in diápabí doman mopaḷu-paḷut. Toonubí degá in singgai in Sabat mopaḷut, sinbá kita in motaaudon bui modagang? Kita in moibogdon totok in mongupit kon epa, monguboḷ kon pogogukuran, bo monombogá kon simbangan.

PINOGIAPAN 10:10

Ná doman tua in kon singgai mita poramean, ramean mita Buḷan Mobagu bo porayaan mita monimu ibanea, torompet tatua musti irupon kon dodai in moiko moposumba in kuruban payongon bo kuruban podamean kon i-Nakó. Dá tuḷungan-Ku in moiko. Akuoi in ki Tuhan Allahmu.”

PINOGIAPAN 28:11

Kon singgai imitánea muḷoi in buḷan musti posumba kon i Tuhan in kuruban payongon ná sapi koḷakian doyowa inta batánea, domba koḷakian tobatú, bo pitu in adí in domba koḷakian inta umur totaong, inta diá nobogit.

YOHANES 8:59

Bo intau mita in Yahudi tatua in nogamá kon batu sin pogandur kon i-Nia; táe ki Yesus inumadop, bodongka nonaḷámai kon Baḷoi Tuhan.

OUMAN IN RASUL MITA 17:14

Dá ḷagidon in utat mita kon Berea tua inatod in ki Paulus kon pintad, táe ki Silas bo ki Timotius in tantúpabí nogutun kon kotá tatua.

KOLOSE 2:16

Manangka intua donaaidon pomayá mako in intau mopotaḷá kon i monimu kon soaḷ kaanon ande inumon, ande soaḷ mita singgai moḷoben in agama, andeka porayaan mita in buḷan mobagu, ande soaḷ singgai in Sabat.

SAMUEL 1 19:2

tuamai in noguman in sia kon i Daud, “Ki amáku moḷongasi moḻimod kon inimu; dá pokoingatdon! Pogadopdon in ikoḷom doḷo-doḷom kon tampat inta noiadop, bo pogutunpa kon tua.

SAMUEL 1 20:18

Onda intua nogumandon in ki Yonatan kon inia, “Ikoḷom Rame Buḷan Mobagu. Yo notantúbí kon kotaauandon kon diá in iko, sin ḷoḻitúanmu diá in ḻimitú kon meja pongongaanan;

SAMUEL 1 20:19

apapa doman toumá! Tuamai, bayádon kon tampat pogogadopanmu inta koḻipod, bo oḷatdon kon tumimai in guntuḷan batu kon tua.

SAMUEL 1 20:24

Dá nogadopdon in ki Daud kon dogami. Kon Rame Buḷan Mobagu, ki Datu Saul namangoi kon pinongaanan.

SAMUEL 1 20:27

Kon singgai noiduduimai, inta singgai nogindua Buḷan Mobagu, ḷoḻitúan i Daud diápa doman in iḻimitú, bo noḻibódon in ki Saul kon i Yonatan, “Nongonu sin koḷabung bo singgai in naa diábí in ki Daud noiangoi kon pinongaanan noyotakin?”

SAMUEL 1 20:4

Bo ki Yonatan in noguman, “Onukabí in poigumonmu yo pomiaankubí.”

SAMUEL 1 20:6

Aka ḻibóon i amámu nongonu sin akuoi in diábí noiangoi, yo pogumandon kon i Tuangku, kon akuoi in nopoigumdon kon inimu kon akuoi in ḷagidon mobui kon Betlehem, sin kon tua in pomiaandon kon upacara kuruban taongan kon bayongan in motoḷuadíku.